ޓިކްޓޮކް ލައިވްއެއްގެ ތެރެއިން ފަޔާ އާއި ހަމްބެ ފަލަސްތީނުގެ ރައްޔިތުންނަށް އެހީތެރިކަން ފޯރުކޮށްދިނުމަށް ހުޅުވާފައިވާ ޣައްޒާ ފަންޑަށް 60000 ރުފިޔާ ހޯދައިދީފި އެވެ.
ރޭގެ ވަގުތެއްގައި ކުރިއަށް ގެންދިޔަ އެ ޓިކްޓޮކް ލައިވްއަކީ ފަލަސްތީނުގެ ރައްޔިތުންނަށް އެހީތެރިވުމަށް ފަންޑްރައިސްކުރުމަށް ކުރިއަށް ގެންދިޔަ ފުރަތަަމަ ލައިވް އެވެ.
އެއް ގަޑީރާއި ތިރީސް މިނިޓަށް ކުރިއަށް ގެންދިޔަ އެ ލައިވްގެ ތެރެއިން 60000 ރުފިޔާ ހޯދާ، އެ ފަރާތުން ވަނީ މިހާރު އިންޓަނޭޝަނަލް އެއިޑް ކެމްޕޭނުގެ އެކައުންޓަށް ލާރި ޖަމާކޮށްދީފަ އެވެ.
ޣައްޒާ ފަންނަށް ފައިސާ ޖަމާކުރި ސްލިޕްކޮޅު
ޣައްޒާ ފަންނަށް ފައިސާ ޖަމާކުރި ސްލިޕްކޮޅު
ފަލަސްތީނުގެ ރައްޔިތުންނަށް އެހީތެރިކަން ފޯރުކޮށްދިނުމަށްޓަކައި، ޓިކްޓޮކްގައި އެކި ފަރާތްތަކުން މިފަދަ ލައިވްތައް ކުރިއަށް ގެންދާއިރު، ދިވެހީންގެ ވަރަށް ބޮޑު ތަރުހީބެއް މިފަދަ ކަންކަމަށް ލިބެމުންދާކަން ފާހަގަކޮށްލެވެއެވެ.
އަދި ޓިކްޓޮކް ލައިވްގެ އިތުރުންވެސް އެކި ގޮތްތަކަށް ޣައްޒާ ފަންޑަށް ދިވެހީންދަނީ ދީލަތި އެހީތެރިކަން ފޯރުކޮށްދެމުންނެވެ.
އިޒްރާއިލްގެ ޔަހޫދީން ފަލަސްތީނަށް ދެމުންދާ ހަމަލާތަކުގައި މިހާތަނަށް 2000 އަށް ވުރެ ގިނަ މީހުން ވަނީ ޝަހީދުވެފައެވެ.
އަދި މިހާރު ޣާޒާގެ އާންމު ހާލަތަށް ބަލާއިރު، އެތަނުގައި ޒަރޫރީ ވަސީލަތްތައް ކަމަށްވާ ފެނާއި ކާބޯތަކެތި އަދި ތެޔޮ ހުރީ ކުރިއަށް އޮތް 24 ގަޑިއިރަށް ބޭނުންކުރެވޭހާ މިންވަރަށްކަމަށް ދުނިޔޭގެ ސިއްހަތާއި ބެހޭ ޖަމުއިއްޔާއިން ވަނީ ހާމަކޮށްފަ އެވެ.
Advertisement
This content is created and paid for by advertisers and does not involve Voice Journalists
