ދަ ޑިމޮކްރެޓްސްގެ ރައީސް ކަމުގެ މަޤާމަށް ވާދަކުރައްވަން ހުށަހަޅާފައިވާ ކަމަށް ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ވިދާޅުވެއްޖެއެވެ.

ހަސަން ލަތީފް ކުރައްވައިފައިވާ ޓްވީޓެއްގައި ވިދާޅުވެފައިވަނީ ޑިމޮކްރެޓްސްގެ ރައީސް ކަމުގެ މަޤާމަށް ކުރިމަތިލައްވާފައިވާ ކަމަށެވެ.

 "ހުރިހާ ޑިމޮކްރެޓުންގެ ތާއީދާއި އެހީތެރިކަން ދެއްވުން އަޅުގަނޑު ވަރަށް ބޮޑަށް އެދެން" ހަސަން ލަތީފް ވިދާޅުވެފައިވެއެވެ.

Advertisement

ޑިމޮކްރެޓްސްގެ މަޤާމުތަކަށް ދާއިމީ ކޮށް މީހުން ހޮވުމަށްޓަކައި މަޤާމުތަކަށް ކުރިމަތިލުމަށް މިހާރުވަނީ ހުޅުވައިލައިފައެވެ. މަޤާމުތަކަށް ފޯމު ހުށައެޅުމުގެ މުއްދަތު ހަމަވާނީ ނޮވެމްބަރ މަހުގެ 15 ދުވަހުގެ ރޭ 10:00 އާއި ހަމައަށެވެ.

ޑިމޮކްރެޓްސް އެތެރޭގެ މި އިންތިޚާބުގައި ވާދަ ކުރާ ކެނޑިޑޭޓުން ކުރިމަތިލާން ފޯމު ފުރާފައި ފޮނުވާއިރު އެ ކެނޑިޑޭޓަކަށް ތާއީދުކުރާ އަދި އަތޮޅެއް، ސިޓީއެއް، ރަށެއް ނުވަތަ ދާއިރާއަކަށް ނިސްބަތްވާ، މަދުވެގެން ޑިމޮކޮރެޓްސްގެ 20 މެމްބަރެއްގެ ނަމާއި މައުލޫމާތު ތާއީދު ފޯމު މެދުވެރިކޮށް ހުށަހަޅަންޖެހެ އެވެ. ސައްހަ ކެނޑިޑޭޓް ފޯމެއްކަމަށް ކަނޑައަޅަނީ މަދުވެގެން 20 މެމްބަރުންގެ ތާއީދު ފޯމާއެކު ހުށަހެޅުމުންނެވެ.

ޑިމޮކްރެޓްސްގެ 23 މަޤާމަކަށް ކުރިމަތިލުމުގެ ފުރުސަތު އޮތީ ހުޅުވައިލައިފައެވެ. އެޕާޓީގެ އިންތިޚާބުގެ ވޯޓުލުން އޮންނާނީ ޑިސެމްބަރ މަހުގެ 2 ވަނަ ދުވަހުއެވެ.