އާއްމުން ފެނަކަ ކޯޕަރޭޝަނުގެ ބިލް ތަކަށް ފައިސާ ނުދައްކައިގެން އެ ކުންފުނީގެ ކޭޝް ފްލޯ ނުވަތަ އާމްދަނީ އަށް ކުރާ އަސަރު ބަލަންޖެހޭ ކަމަށް ހުޅުމާލެ ދާއިރާގެ އެމްޑީޕީ މެމްބަރު އަލީ ނިޔާޒު ވިދާޅުވެއްޖެއެވެ.
މަޑުއްވަރި ދާއިރާގެ މެންބަރު އާދަމް ޝަރީފް ހުށަހަޅުއްވާފައިވާ، ފެނަކައިން ކުދި ވިޔަފާރިތަކާއި ކުންފުނިތަކަށް ދޭންޖެހޭ ފައިސާދިނުން އަވަސްކުރުމަށާއި ފެނަކައިގެ މެނޭޖްމަންޓް އަދި ފައިނޭންޝަލް އޮޑިޓެއް ހެދުމަށާއި ދަރަނިތައް އަދާކުރާނެގޮތުގެ ޕްލޭނެއް އެކުލަވާލުމަށް ގޮވާލައި ހުށަހަޅާ ޤަރާރަށް މިއަދުގެ މަޖިލީހުގެ ޖަލްސާގައި ބަހުސް ކުރައްވަމުން ނިޔާޒު ވިދާޅުވީ ފެނަކައަށް އާއްދަނީ ލިބޭ އޮންނަނީ ދެ ގޮތެއް ކަމަށެވެ.
އެއް ގޮތަކީ ކަރަންޓް ބިލުން ލިބޭ އާމްދަނީ. އާއްމު ރައްޔިތުންނަށް ބިލު ކުރީމާ އެ ލިބޭ އެއްޗަކުން ލިބޭ އާމްދަނީ. ދެވަނަ އާމްދަނީ އަކީ ދައުލަތުން ދޭ ސަބްސިޑީ. އަޅުގަނޑުމެން ދިރާސާކޮށް ބަލަން އެބަޖެހޭ ހަގީގަތުގައި ފެނަކަ ކޯޕަރޭޝަނަށް ލިބޭ އާމްދަނީ އަކީ ކޮބައިތޯ. ކިހާ މިންވަރަކަށްތޯ ބިލް ކުރާ މީހުން ބިލް ދައްކަނީ. ބިލް ނުދެއްކުމުގެ ސަބަބުން ފެނަކައިގެ އާމްދަނީއަށް ނުވަތަ ކޭޝްފްލޯ އަށް އަސަރު ކުރަނީ މިންވަރަކަށްތޯ ބަލަންޖެހޭ. އަޅުގަނޑަށް ހަމަ ޔަގީން ދައުލަތުންދޭ ސަބްސިޑީ ގަވައިދުން ދޭނެ. އެހެން ކަމަށްވާނަމަ ކުދި ސަޕްލަޔަރުންނަށް ފައިސާ ނުދެވި މިވަނީ ކީއްވެގެންތޯ އަޅުގަނޑުމެން އެބަ ޖެހޭ ދިރާސާ ކުރަން.
އަލީ ނިޔާޒު
މިއާއެކު ނިޔާޒް ވިދާޅުވީ، ފެނަކައިގެ ކޭޝް ފްލޯއަށް ބުރަ ބޮޑުވި އެތައް ކަމެއް ފާހަގަވެފައިވާ ކަމަށް ވެސް އޭނާ ވިދާޅުވި އެވެ. އޭގެ އެއް ކަމަކީ އޭނާ ވިދާޅުވި ގޮތުގައި މިދިޔަ އަހަރު ތައާރަފުކުރި މިނިމަމް ވޭޖެވެ.
"މިނިމަމް ވޭޖް ތައާރަފްކުރުމުގެ ކުރީގައި ފެނަކައިގެ ޕޭ ރޯލަށް ހަަރަދުވަނީ ފެނަކައިން މައުލޫމާތު ދިން ގޮތުގައި ގާތްގަނޑަކަށް 35 މިލިޔަން ރުފިޔާ. އެހެން ނަމަވެސް މިނިމަމް ވޭޖް ތައާރަފްވެ އޭގެ އަސަރުކޮށްގެން، މިހާރު ފެނަކައިގެ ޕޭރޯލަށް ގާތްގަނޑަކަށް 50 މިލިޔަން ވަރު ހަރަދުވާ ކަމަށް އަޅުގަނޑުމެންނަށް މައުލޫމާތު ލިބޭ. މީގެ ސަބަބުން ހަމަޔަގީނުންވެސް ކޭޝް ފްލޯއަށް އަސަރު ކުރާނެ
އަލީ ނިޔާޒު
މިއާއެކު ނިޔާޒު ވިދާޅުވީ، އެކަންކަން ފޫބެއްދުމަށް ފެނަކައިން ސަޕްލަޔަރުންނަށް ދޭންޖެހޭ ފައިސާ ދިނުން މެދުކަނޑާލީކަމަށެވެ.
ހަމައެހެންމެ، ރާއްޖޭގައި އާއްމުކޮށް ފެން ބިލާއި ކަރަންޓު ބިލު ހިމެނޭ ގޮތުން ސަރުކާރުން ކުރާ ބިލުތަކަށް ގަވާއިދުން ފައިސާ ދައްކަނީ ގާތްގަނޑަކަށް 60 ޕަސެންޓް ކަން ފާހަގަކުރައްވައި ނިޔާޒް ވިދާޅުވީ، ފެނަކައަށް ވެސް ލިބޭނީ ބިލުކުރާ އަދަދުގެ 60 ޕަސެންޓް ކަމަށް ގަބޫލުކުރެވޭ ކަމަށެވެ.
Advertisement
This content is created and paid for by advertisers and does not involve Voice Journalists
