ދިވެހިންގެ ފަރާތުން ފަލަސްތީނުގައި ހާލުގައި ޖެހިފައިވާ ޢާއިލާ ތަކަކަށް އެހީތެރިވުމަށް އެއް ލައްކަ ޑޮލަރު ބަހައިފިއެވެ.

ދިވެހީންގެ އެހީ ފަލަސްޠީނަށް ފޯރުކޮށްދެމުންދާ އިންޓަނޭޝަނަލް އެއިޑް ކެމްޕެއިން (އައިއޭސީ)ން ބުނީ، އެ އާއިލާތަކަށް ފައިސާގެ އެހީތެރިކަން ފޯރުކޮށްދީފައި ވަނީ، ވަރަށް ގިނަ އާއިލާތަކުގެ އެދުމުގެ މަތިން ކަމަށެވެ.

އެ ގޮތުން ފައިސާ ބަހާފައި ވަނީ 200 އާއިލާއަށް 500 ޑޮލަރުގެ މަގުން ނަގުދު ފައިސާއިން ކަން އޭއައިސީން ވަނީ ބުނެފައެވެ.

Advertisement

އެގޮތުން ފައިސާގެ އެހީ ފޯރުކޮށްދެވުނު ސަރަހައްދު ތަކަކީ މާރުކޭޓާއި ފިހާރަތަކާއި، މަސައްކަތް ކުރާ ސަރަހައްދުތައްކަން އައިއޭސީން ފާހަގަ ކޮށްފައިވެއެވެ. 

އަދި ހަމައެހެންމެ ފައިސާ ދިން މީހުންގެ ތެރޭގައި ޝަހީދުވި ބައެއް ބޭފުޅުންގެ އާއިލާތަކާއި އެކީއެކަށް ގެ ހަލާކުވި ފަރާތްތަށް ހިމެނޭ ކަމަށް އައިއޭސީން މައުލޫމާތު ދެއެވެ. 

ހައްދުފަހަނައަޅާފައިވާ އިޒްރާއިލްގެ ޔަހޫދީންގެ ނުރައްކާތެރި ހަމަލާތަކުގެ ސަބަބުން ޝަހީދުވި ފަލަސްޠީނުގެ މީހުންގެ ޢަދަދު 4000 އެރުމާއި މިހާރުވަނީ ގާތްވެފައެވެ. ޒަޚަމްވީ މީހުންގެ ޢަދަދު 13000 މައްޗަށް ވަނީ ގޮއްސައެވެ.