ހދ ކުޅުދުއްފުށީ އެއަރޕޯޓްގައި އެއްޗެއް ގޮވައި ބަޔަކަށް އަނިޔާވެއްޖެއެވެ.
އެމްއެންޑީއެފުން ބުނީ ކުޅުދުއްފުށީ އެއަރޕޯޓްގައި ހިނގި މިހާދިސާގައި އެކަކަށް ވަރަށް ބޮޑަށް އަނިޔާވެފައި ވާ ކަމަށެވެ.
އަދި އިތުރުބަޔަކަށް ވެސް އެކިވަރުގެ އަނިޔާތައް ލިބިފައިވާ ކަމަށް ބުނެފައިވެއެވެ. މިހާދިސާ ހިނގައިފައިވަނީ މިއަދުގެ ހެނދުނުގެ ވަގުތެއްގައެވެ.
މިހާދިސާ އާއި ގުޅިގެން ފުލުހުން ވިދާޅުވެފައިވަނީ މިހާދިސާ ހިނގައިގައިފަވަނީ ކުޅުދުއްފުށީ އެއަރޕޯޓްގެ ފަޔަރ ޓްރެއިނިންގް ގައި ބޭނުންކުރާ ސިލިންޑަރެއް ރިފިލް ކުރުމުގެ ތެރޭގައި ގޮވައިގެން ކަމަށެވެ.
ހާދިސާ ހިނގި ތަނުގައި ފުލުހުން ހަރަކާތްތެރިވަމުން އަންނަކަމަށާއި، މިހާދިސާގައި އަނިޔާވެފައިވަނީ އެ އެއަރޕޯޓްގެ ފަޔަރ ގައި މަސައްކަތްކުރާ ހަތަރު މުވައްޒަފަކަށް ކަމަށާއި އަނިޔާވި މީހުންނަށް ކުޅުދުއްފުށީ ހޮސްޕިޓަލުގައު ފަރުވާދެވެމުން ދާކަމަށް ވެސް ފުލުހުން ބުނެފައިވެއެވެ.
ހާދިސާގައި އަނިޔާ ލިބިފައިވަނީ 3 ފިރިހެނަކާއި 1 އަންހެނަކަށް ކަމަށްވެސް ފުލުހުން ބުނެފައިވެއެވެ.
Advertisement
This content is created and paid for by advertisers and does not involve Voice Journalists
