"ކިންގް ސްޕޯޓްސް" ގެ ފަލަސްތީނާއިއެކު ދިވެހީން ވާކަން އަންގައިދޭ ޓީޝާޓެއް ގަނެލައިގެން ފަލަސްޠީނަށް އެހީވުމުގެ ފުރުސަތު ހުޅުވާލެވިފައިވާ ކަމަށް އެ ފިހާރައިން ބުނެފިއެވެ.
ފަލަސްތީނުގެ ދިދަ އާއި އެކު ދިވެހީން ފަލަސްތީނާއެކު ވާކަމަށް ލިޔެފައިވާ އެ ޓީޝާޓްތައް 180 ރުފިޔާއަށް ލިބެން ހުރިއިރު، ޓީޝާޓް ވިއްކައިގެން ލިބޭ ފައިދާ ހަދިޔާ ކުރުމަށް ހަމަޖެހިފައިވަނީ އިންޓަނޭޝަނަލް އެއިޑް ކެންޕެއިން އައިއޭސީން ފަލަސްޠީނަށް އެހީވުމަށް ހުޅުވާލާފައިވާ ފަންޑަށް ކަމަށް އެ ފިހާރައިން ބުނެއެވެ.
އަދި މިހާރު އެ ޓީޝާޓް މާލޭގެ އިތުރުން އައްޑޫ ސިޓީ އަދި ފުވައްމުލަކުން ވެސް ލިބެން ހުންނާނެ ކަމަށާ، އައްޑޫ ސިޓީއިން ޓީޝާޓަށް އޯޑަރ ކުރަން ބޭނުންވާ ފަރާތްތަކުން 9413413 ގުޅާލުމަށް އެ ފިހާރައިން ވަނީ އެދިފައެވެ.
ފަލަސްތީނުގައި ޔަހޫދީން ހިންގާ އިންސާނިއްޔަތާއި ހިލާފު ބޮޑު ގަތުލް އާންމުގައި މިހާތަނަށް 7000 މީހުން ވަނީ ޝާހީދުކޮށްލާފައެވެ.
ހަނގުރާމަ ހުއްޓިދާނެ ކަމުގެ މަލަމަތި އަދި ފެންނަން ނެތްއިރު، އިސްރާއީލުން ވަނީ ޣައްޒާގެ ރައްޔިތުންނަށް ވަރަށް ބޮޑަށް ދަތި ކުރުމުގެ ފިޔަވަޅު ވެސް އަޅާފައެވެ. އެގޮތުން ޒަރޫރީ ބޭނުންތަކަށް ބޭނުންވާ ބައެއް ސާމާނު ފޯރުކޮށްދިނުމަށް ވަނީ ހުރަސް އަޅާފައެވެ.
Advertisement
This content is created and paid for by advertisers and does not involve Voice Journalists
