އިސްރާއީލުން ފަލަސްޠީނަށް ދެމުން ގެންދާ ޢުދުވާނީ ހަމަލާތަކާއި ގުޅިގެން ހާލުގައި ޖެހިފައިވާ މުސްލިމުންނަށް އެހީވުމަށް ފަންޑް ރެއިޒިން އިވެންޓެއް މިއަދު ހަވީރު ބޭއްވުމަށް ހަމަޖެހިއްްޖެއެވެ.
"މާސީ" ޖަމިއްޔާ އިން އިންޓަނޭޝަނަލް އެއިޑް ކެންޕެއިނާއި ގުޅިގެން މިއަދު ހަވީރު 16:00 އިން މިރޭ 21:00 އަށް ބާއްވާ މި އިވެންޓް އޮންނާނީ ރަސްފަންނު ގައެވެ. އަދި މި އިވެންޓްގެ ތެރެއިން ތަފާތު އެކި ގޭމް ތައްވެސް ކުރިއަށް ގެންދިޔުމަށް ހަމަޖެހިފައިވާ ކަމަށް މާސީން ބުނެފައިވެއެވެ.
މާސީން އިތުރަށް ބުނީ، މި ފަންޑް ރެއިޒިން އިވެންޓުން ލިބޭ ފައިސާ ހަދިޔާ ކުރުމަށް ހަމަޖެހިފައިވަނީ އައިއޭސީން ފަލަސްޠީނަށް އެހީވުމަށް ހުޅުވާލާފައިވާ ފަންޑަށް ކަމަށެވެ.
ފަލަސްތީނުގައި ޔަހޫދީން ހިންގާ އިންސާނިއްޔަތާއި ހިލާފު ބޮޑު ގަތުލް އާންމުގައި މިހާތަނަށް 7000 މީހުން ވަނީ ޝާހީދުކޮށްލާފައެވެ.
ހަނގުރާމަ ހުއްޓިދާނެ ކަމުގެ މަލަމަތި އަދި ފެންނަން ނެތްއިރު، އިސްރާއީލުން ވަނީ ޣައްޒާގެ ރައްޔިތުންނަށް ވަރަށް ބޮޑަށް ދަތި ކުރުމުގެ ފިޔަވަޅު ވެސް އަޅާފައެވެ. އެގޮތުން ޒަރޫރީ ބޭނުންތަކަށް ބޭނުންވާ ބައެއް ސާމާނު ފޯރުކޮށްދިނުމަށް ވަނީ ހުރަސް އަޅާފައެވެ.
Advertisement
This content is created and paid for by advertisers and does not involve Voice Journalists
