މާތް ވެގެންވާ މަސްޖިދުލް ޙަރަމް ތެރޭގައި މާބަނޑު އަންހެނަކު ވިހައިފި އެވެ.
މީޑިއާ ރިޕޯޓްތައް ބުނާގޮތުން އެ އަންހެން މީހާ އަކީ ވިހަން ވަރަށް ކައިރިވެފައި އިން މީހެއް ކަމަށާ، އޭނާ ވިއްސުމުގެ ކަންކަން ކުރިއަށް ގެންދަން ޖެހުނީ އެމެޖެންސީ ހާލަތުގައި ކަމަށެވެ. އަދި ވިއްސުމުގެ ކަންކަން ކުރިއަށް ދިޔައީ ސައުދީ އަރަބިއްޔާގެ ރެޑް ކްރެސެންޓް ގެ މެޑިކަލް ޓީމުގެ އިރުޝާދުގެ ދަށުން ކަމަށްވެސް ބުނެފައިވެއެވެ.
އެގޮތުން، އެ ޓީމުގެ އެހީގައި މަސްޖިދުލް ޙަރަމް ތެރޭގައި އަންހެން މީހާ ވިހާފައިވަނީ ރޭ ދަންވަރު ގާތްގަނޑަކަށް 12:05 ގައެވެ. އަދި އެ ދެމައިންގެ ހާލުވެސް ރަނގަޅު ކަމަށް މީޑިއާ ރިޕޯޓްތައް ބުނެއެވެ.
ވިހަން ކައިވެެފައި ތިބޭ އަންހެނުން ކައުބާ މިސްކިތާއި އާއި މަދީނާގައި ހުންނަ މާތް ވެގެންވާ ނަބަވީ މިސްކިތުގައިވެސް ވިހެއުމުގެ ހާދިސާތައް މީގެ ކުރިންވެސް ދޭތެރެއިން ވަނީ ހިނގާފައެވެ. އެފަދައިން ޙަރަމްގައި އަންހެނުން ވިއްސާފައި ވަނީ، ކައިރި ހޮސްޕިޓަލަކަށް ގެންދެވޭ ވަރަށް ވުރެ ވަގުތު ކުޑަތަން ވެފައިވާ ހާލަތްތަކުގައެވެ.
އަދި އެ ހާލަތްތަކުގައި އެ އަންހެނުންގެ ވިހެއުމުގެ ކަންކަން ކުރުމަށް އެހީވުމުގައި އާއްމުކޮށް ހަރަކާތްތެރިވަނީ ރެޑްކްރެސެންޓް ގެ މުވައްޒަފުންނެވެ.
Advertisement
This content is created and paid for by advertisers and does not involve Voice Journalists
