ޗައިނާގެ އޮންލައިން ޗާޓު ތަކުން، އިސްރާއީލްގެ ނަން ފޮހެލައިފި އެވެ.

ބޭރުގެ މީޑިއާތަކުން ރިޕޯޓްކޮށްފައިވާ ގޮތުގައި  ޗައިނާއި އޮންލައިން ޑިޖިޓަލް މެޕް ތައް ކަމުގައިވާ "ބައިޑު" އާއި "އަލީބާބާ" އިންވެސް ވަނީ އިސްރާއީލްގެ ނަން އެއްކޮށް ފޮހެލާފައެވެ.

ޗައިނާ ބަހުން އޮންނަ ބައިޑު މެޕުގައި ފަލަސްޠީނާއި، އެގައުމަށް ގަދަ ކަމުން ވެރިވެގެން ވަކި ދައުލަތެއް ހަދާފައިވާ ޔަހޫދީ އިސްރާއީލުގެ ބޯޑަރ ފާހަގަކޮށްފައި ވީ ނަމަވެސް އެ މެޕުގައި އެއްވެސް ތަނެއްގައި އިސްރާއީލުގެ ނަން ނެތް ކަމަށް މީޑިއާ ރިޕޯޓްތައް ބުނެއެވެ.

Advertisement

މީގެ އިތުރުން، އެންމެ ކުދި ކުދި ގައުމުތަކާއި ސަރަހައްދު ތަކުގެ ނަންތައްވެސް ހިމަނާފައިވާ އަލީބާބާ މެޕްގައިވެސް މިހާރު އިސްރާއީލުގެ ވަސްވެސް ފޮހެލާފައިވާއިރު، އެ މެޕްތަކުން އިސްރާއީލްގެ ނަން ފޮހެލި ސަބަބު މިހާތަނަށް ވެސް ހާމަކޮށްފައެއް ނުވެއެވެ. އަދި އިސްރާއީލުގެ ނަން ފޮހުނު އިރުވެސް އަދި ސާފެއް ނުވެއެވެ. އެހެން ނަމަވެސް، އިސްރާއީލާއި-ފަލަސްތީން ހަނގުރާމަ ފެށުނުފަހުން، ނިމިދިޔަ އޮކްޓޫބަރު މަހުގެ ކުރީކޮޅުން ފެށިގެން މިފަދަ މަޝްވަރާ ތަކެއް ޗައިނާގެ ވެބް ޔޫޒާސް ކުރަމުންދާ ކަމަށް ރިޕޯޓް ތައް ބުނެއެވެ. 

އިސްރާއީލް-ފަލަސްތީން ހަނގުރާމަ ފެށުނު ފަހުން، ޗައިނާގެ ރައްޔިތުން މީސްމީޑިއާގެ އެކި މަންސަ ތަކުގައި އިސްރާއީލާ ދެކޮޅަށް ވަރަށް ބޮޑަށް އަޑު އުފުލާ ނުރުހުން ފާޅުކުރާން ފަށާފައިވާއިރު، އާއްމުންގެ އުނދަގޫ ތަކާއި ހުރެ، ޗައިނާގައި ހުންނަ އިސްރާއީލުގެ އެމްބަސީން ދާދިފަހުން ވަނީ އެ އެމްބަސީގެ "ވޭބޯ" އެކަންޓުގެ ކޮމެންޓް ސެކްޝަންވެސް ބަންދުކޮށްފައެވެ. 

ޗައިނާގެ އޮންލައިން ޗާޓުތަކުން އިސްރާއީލުގެ ނަން ފޮހެލާފައި ވާއިރު، އިސްރާއީލު-ފަލަސްތީން މައްސަލާގައި ޗައިނާގެ ސަރުކާރުން މިހާތަނަށް ވަކި ކޮޅެއް ނަގާފައެއް ނުވެއެވެ.