ފެނަކަ ކޯޕަރޭޝަން ގެ ދަރަންޏާއި ގުޅޭ ލިޔެކިޔުންތަކެއް ލީކު ކުރި ކަމުގެ ތުހުމަތުގައި އެކުންފުނީގެ މުވައްޒަފަކު ވަޒީފާއިން ވަކިކޮށްފިއެވެ.

މިހާރު ސޯޝަލް މީޑިއާގައި ދައުރުވަމުންދާ ފެނަކައިގެ ދަރަންޏާއި ގުޅޭ ލިޔެކިޔުންތަކެއް އާއްމު ކުރިކަމުގެ ތުހުމަތު ކޮށްފައިވަނީ ހެޑް އޮފީހުގެ ލޮޖިސްޓިކްސް ޑިޕާޓްމަންޓްގައި ހުންނެވި ޔޫސުފް ރަމީޒުގެ މައްޗަށެވެ. މިދިޔަ ބުދަ ދުވަހު އޭނާ އަށް ދިން ޗިޓުގައި ބުނެފައި ވަނީ ކުންފުނީގެ ސިއްރު މައުލޫމާތު އާއްމުކުރުމުގައި އޭނާގެ ބައިވެރިވުން ވާކަމަށެވެ.

މި މައްސަލައިގައި އޭނާ މިދިޔަ ހަފްތާގައި ޑިސިޕްލިނަރީ ކޮމެޓީއަށް ހާޒިރުކޮށް ސުވާލުކުރުމުން އޭޏާ ޖަވާބުދާރި ވެފައި ވާނެކަމަށާއި އެހެންނަމަވެސް، އޭނާ ވަޒީފާއިން ވަކިކުރީ އެ ލިޔުންތައް ލީކު ކޮށްލުމުގެ ފަހަތުގައި އޭޏާގެ ބައިވެރިވުމެއްވާކަމުގެ އެއްވެސް ހެއްކަކާއި ނުލާކަމަށް އޭނާ ވިދާޅުވިއެވެ.

Advertisement

"ކޮމިޓީއަށް ހާޒިރުކޮަށް ކުރި ހުރިހާ ސުވާލަކށް ޖަވާބު ދިނިން. ބަޔާނުގައި ސޮއި ކުރަން ދިނީމައި އަޅުގަނޑޫ ބުނިން ނުކުރާނަމޭ،އެއީ އަޅުގަނޑޫ ނުކުރާ ކަމެއް ކަމަށް" ރަމީޒު ވިދާޅުވިއެވެ.

ޖޫން 1، 2016 ގައި ފެނަކަ އާއި ގުޅިވަޑަިގެންނެވި ރަމީޒް ވަނީ މިމައްސަލަ ވަޒީފާ އާއި ބެހޭ ޓްރައިބިއުނަލަށް ހުށައަޅަން ނިންމާފައެވެ.

މިދިޔަ ސެޕްޓެންބަރު މަހު 26 ވަނަ ދުވަހު ހަމަ އެކުންފުނީގެ ޗީފް ފަިނޭންޝަލް އޮފިސަރު (ސީއެފްއޯ) އަބްދުﷲ ވަހީދުވެސް ވަނީ ގިނަ ދުވަސް ތަކެއް ވަންދެން މަގާމުގެ ޒިންމާތަކުން އެކަހެރިކޮަށް ބެހެއްޓުމަށްފަހު ވަކިކޮށްފައިކަން ފާހަގަ ކޮށްލަންޖެހެއެވެ.