މޫސުން ގޯސްވެ، ރާއްޖޭގެ އެކި ހިސާބު ތަކަށް ގުގުރުމާއި އެކު ބޯކޮށް ވާރޭ ވެހޭނެ ކަމަށް ލަފާކޮށް ބޮޑު ބަޔަކަށް ހުދު ސަމާލު ނެރެފި އެވެ. 

މެޓް އޮފީހުން ލަފާ ކުރާ ގޮތުގައި، މިއަދު މެންދުރު 14:00 އިން ފެށިފެން މިރޭ 19:30 ވަންދެން ހއ އަތޮޅާއި ކ އަތޮޅާއި ދެމެދުގައި ހުރި ރަށްތަކަށް ބޯކޮށް ވާރޭވެހުމާއިއެކު ގުގުރާނެއެވެ. އަދި ރާއްޖޭގެ ހުރިހާ ހިސާބަކަށްވެސް ވިއްސާރައިގެ އަސަރު ކުރާނެކަމަށް އެއިދާރާއިން ލަފާ ކުރެއެވެ.

އިރުދެކުނާއި ދެކުނުން ގަޑިއަކު 3 މޭލާއި 13 މޭލާއި ދެމެދުގެ ބާރު މިނެއްގައި ވައި ޖެހި، ކަނޑު ފުދޭވަރަކަށް ގަދަ ވާނެކަމަށާއި ކަނޑުގެ ރާޅު ބާނި ތަކުގައި 2 ފޫޓާއި 4 ފޫޓުގެ އުސްމިނެއް ހުންނާނެ ކަމަށް މޫސުމާއި ބެހޭ އިދާރާއިން ލަފާ ކުރެއެވެ.

ބޯކޮށް ވާރޭވެހި ގުގުރާނެކަމަށް ލަފާ ކުރެވޭތީ މޫސުމާއި ބެހޭ އިދާރާއިން ވަނީ ހުރިހާ ފަރާތްތަކުން ވެސް މޫސުމާއި މެދު ސަމާލުވުމަށް އިލްތިމާސް ކުރައްވާފައެވެ.