Raees huvaa kuravva jalsa ah vadaigathumah dhauvathu fonuvaairu vaki faraatheh ge nameh noannaane: inthihaabee raees ge office

ޖަލްސާއަށް ވަޑައިގަތުމަށް ދައުވަތު ފޮނުވާއިރު ވަކި ފަރާތެއްގެ ނަމެއް ނޯންނާނެ: އިންތިހާބީ ރައީސްގެ އޮފީސް

05 Nov 2023 | 21:33

އިންތިހާބީ ރައީސް ގެ އޮފީހުގެ ތަރުޖަމާނު ފިރުޒުލް މުހައްމަދު

އިންތިހާބީ ރައީސް، ޑރ.މުހައްމަދު މުއިއްޒު ހުވާކުރައްވާ ރަސްމިއްޔާތަށް ވަޑައިގަތުމުގެ ދައުވަތު ދީފައިވާނީ ދިވެހި ރާއްޖޭގެ އަވައްޓެރި ގައުމުތަކަށާއި ރާއްޖެއާއި ގާތްގުޅުން އޮންނަ ގައުމުތަކަށް ކަމަށާއި, މި ދައުވަތުގައި ވަކި ފަރާތެއްގެ ނަމެއް ޖަހާފައި ނޯންނާނެ ކަމަށް އިންތިހާބީ ރައީސް ގެ އޮފީހުގެ ތަރުޖަމާނު ފިރުޒުލް މުހައްމަދު ވިދާޅުވެއްޖެއެވެ.

އޭނާ މިހެން ވިދާޅުވީ އިންޑިއާގެ ބޮޑު ވަޒީރު ނަރެންދްރަ މޯދީއަށް ދައުވަތު ފޮނުވިކަން އިންޑިއާގެ ބައެއް ނޫސްތަކުން ރިޕޯޓްކުރުމާއި ގުޅިގެންނެވެ.

"ރަސްމިއްޔާތުގެ ދައުވަތު ތަކާއި ގުޅޭގޮތުން ކުރިންވެސް އަޅުގަނޑުމެން ފާހަގަ ކޮށްފައި ވާނެެހެން، އަވައްޓެރި ހުރިހާ ގައުމު ތަކަށާއި، ދިވެހި ރާއްޖެ އާއި ގާތް ގުޅުން އޮންނަ ވަރަށް ގިން ގައުމު ތަކަށް ރަސްމިއްޔާތަށް ދައުވަތު ދީފައި ވާނެ. އިންޑިއާގެ މީޑިއާ ތަކަށްވެސް މައުލޫމާތު ދީފައިވާނީ ހަމަ މިފަދައިން."

ފިރުޒުލް ވިދާޅުވިއެވެ.

މީގެ އިތުރުންވެސް ފިރުޒުލް ވިދާޅުވީ ދައުވަތު ފޮނުވި ގައުމުތަކުން ރަސްމިއްޔާތުގައި ބައިވެރިވާ ފަރާތެއް ނިންމާނީ އެ ގައުމަކުން ކަމަށެވެ.

ޑރ.މުއިއްޒު ރައީސް ކަމަށް ހުވާ ކުރެއްވުމުގެ ރަސްމިއްޔާތު އޮންނާނީ 17 ނޮވެމްބަރު ވާ ހުކުރު ދުވަހުގެ ހަވީރު ޖުމްހޫރީ މައިދާނުގައެވެ.

ހަބަރު

ރައީސް ޑޮކްޓަރ މުޙައްމަދު މުޢިއްޒު