ގއ.ކޮނޑޭ މެޖިސްޓްރޭޓް ކޯޓުގެ އިސް މެޖިސްޓްރޭޓް އަލްއުސްތާޒް މުހައްމަދު އިބްރާހީމް ސަސްޕެންޑް ކޮށްފިއެވެ.
ދިވެހި ރާއްޖޭގެ ޖުޑީޝިއަލް ސާވިސް ކޮމިޝަނުން ނެރެފައިވާ ނޫސް ބަޔާނުގައި ބުނެފައިވަނީ،މުހައްމަދު އިބްރާހީމް ސަސްޕެންޑް ކޮށްފައިވަނީ ކޯޓަށް ހުށައެޅޭ މައްސަލަތައް ދިރާސާ ނުކުރާކަމާއި މައްސަލަތަކުގެ ހުކުމާއި، މައްސަލަތަކާއި ގުޅޭ ރިޕޯޓު ތައްޔާރު ކޮށް ކޯޓުގެ މުވައްޒަފުން ހުށައަޅާފައި ނުވުމާއި އެކު، އެ ކޯޓަށް ހުށައެޅޭ މައްސަލަތަކަށް ގިނަ ދުވަސްވެ އެމައްސަލަ ތަކަށް މުހައްމަދު އިބްރާހީމް އިހުމާލު ވެފައި ވާތީކަމަށެވެ.
މީގެ އިތުރުންވެސް ކޯޓުގެ ވާހަކަ ތަކާއި ކޯޓަށް ހުށައެޅޭ މައްސަލަތަކުގެ ވާހަކަ ގއ.ކޮނޑޭ މެޖިސްޓްރޭޓް ކޯޓުގެ އިސް މެޖިސްޓްރޭޓް ކޯޓުން ބޭރުގައި ދައްކާކަން ކޮމިޝަން ގެ ތަހުގީގަށް ސާބިތުވެފައިވާކަމަށް ވެސް ޖޭއެސްސީގެ ބަޔާނުގައި ބުނެފައި ވެއެވެ.
މިއަމަލު ތަކަކީ،ދިވެހި ރާއްޖޭގެ ފަނޑިޔާރުންގެ ގާނޫނާއި ޚިލާފަށް ކޮށްފައިވާ އަމަލު ތަކެއްކަން ޖުޑީޝިއަލް ސާވިސް ކޮމިޝަން އިން ވަނީ ފާހަގަ ކުރައްވާފައެވެ.
ޖޭއެސްސީން މުހައްމަދު އިބްރާހީމް ސަސްޕެންޑް ކޮށްފައި ވަނީ ދެ ހަފްތާގެ މުއްދަތަކަށެވެ. މަސައްކަތަށް ނުކުތުން މަނާ ކޮށްފައިވާ މި ދެހަފްތާގައި, މުސާރަ އާއި އިނާޔަތް ނުދޭގޮތަށް ވަނީ އެ ކޮމިޝަނުން ނިންމާފައެވެ.
Advertisement
This content is created and paid for by advertisers and does not involve Voice Journalists
