އިންތިޚާބީ ރައީސް ޑރ. މުހައްމަދު މުޢިއްޒު، އެކުވެރި ޢަރަބި އިމާރާތް (ޔޫއޭއީ) އަށް ވަޑައިގެންފިއެވެ.
ޑރ. މުޢިއްޒު ޔޫއޭއީއަށް ވަޑައިގެންފައިވަނީ މިއަދުގެ ހެނދުނުގެ ވަގުތެއްގައެވެ.
އިންތިޚާބީ ރައީސްގެ މި ދަތުރުފުޅާއި ގުޅިގެން 'ވޮއިސް' އަށް މަޢުލޫމާތު ދެއްވަމުން އިންތިގާލީ ތަރުޖަމާނު މުޙައްމަދު ފިރުޒުލް ވިދާޅުވީ، އެމަނިކުފާނުގެ މި ދަތުރު ފުޅަކީ އަމިއްލަ ދަތުރުފުޅެއް ކަމަށެވެ.
އަދި މެހެމާންދާރީގެ ގޮތުން، ޔޫއޭއީ އިން ޑރ. މުޢިއްޒުގެ މި ދަތުރުފުޅުގެ ކަންކަން ހަމަޖައްސަވައިދެއްވާފައިވާ ކަންވެސް ފިރުޒުލް ފާހަގަ ކުރެއްވިއެވެ.
ނަމަވެސް ދަތުރުފުޅުގެ އިތުރު ތަފްސީލް ދެއްވާފައެއް ނުވެއެވެ.
މުޢިއްޒު ޔޫއޭއީއަށް ވަޑައިގެންފައިވާއިރު، އެމަނިކުފާނު ވަނީ މިދިޔަ ހަފްތާގެ ހޯމަ ދުވަހު ސިންގަޕޫރަށްވެސް އަމިއްލަ ދަތުރުފުޅެއް ކުރައްވާފައެވެ. ސިންގަޕޫރަށް ވަޑައިގެންނެވީ އާއިލާއާ އެކުގައެވެ.
އެ ދަތުރުފުޅު ނިންމަވާލެއްވުމަށް ރާއްޖެއަށް ވަޑައިގެންނެވީ އިއްޔެގެ ވަގުތެއްގައެވެ.
ސިންގަޕޫރުގެ ދަތުރުފުޅަކީ މިއަހަރު ގެ ސެޕްޓެމްބަރު މަހު އޮތް ރިޔާސީ އިންތިހާބު ކާމިޔާބު ކުރެއްވުމަށްފަހު ޑރ.މުއިއްޒު ރާއްޖެއިން ބޭރަށް ކުރެއްވި ފުރަތަމަ ދަތުރުފުޅެވެ.
Advertisement
This content is created and paid for by advertisers and does not involve Voice Journalists
