އިސްރާއީލާއި ފަލަސްތީނާއި ދެމެދު ކުރިއަށްދާ ހަނގުރާމައިން ނުކުތުމަށް އިސްރާއީލަށް ފުރުސަތެއް ދިނުމަށް ޔޫރަޕުން މަޝްވަރާ ކުރަން ފަށައިފިއެވެ.
ޔޫރަޕުން މަޝްވަރާ ތައް ފަށާފައި ވަނީ އިސްރާއީލާއި ފަލަސްތީނުގެ ހަނގުރާމައަށް މަހެއް ވަނިކޮށެވެ.
ޔޫރަޕުން ވިސްނަމުންދާ ހައްލު ތަކުގެ ތެރޭގައި އދ ގެ ލަޝްކަރެއް ޣައްޒާ އަށް ފޮނުވުމަށް ނިންމާފައިވާކަމަށް ޔޫރަޕިއަން ކޮމިޝަން ގެ ރައީސާ އުރުސަލާ ފޮން ޑަރ ލޭއެން ވިދާޅުވިއެވެ.
ޔޫރަޕިއަން ޔޫނިއަންގެ ސަފީރުންގެ އަހަރީ ކޮންފަރެންސްގައި ވާހަކަދައްކަވަމުން އޭނާ ވިދާޅުވީ މިހާރު ހުޅަނގު އައްސޭރިއާއި ގައްޒާގައި އޮންނަ ދެ ސަރުކާރުގެ ބަދަލުގައި ފަލަސްތީނުގައި އޮންނަން ޖެހެނީ އެއް ސަރުކާރެއް ކަމަށެވެ.
ޣައްޒާއަކީ ފަލަސްތީނު ސަރުކާރުގެ މުހިންމު ބައެއް ކަމަށާއި، ފަލަސްތީނު ރައްޔިތުން އެމީހުންގެ ގެދޮރު ދޫކޮށްލުމަށް ބާރުއެޅުމަށް އެއްވެސް ބާރެއް ނެތް ކަމަށްވެސް ވިދާޅުވިއެވެ.
އަދި ޣައްޒާއިން ފަލަސްތީނު މިހުން ބޭރުކޮށްފިނަމަ ސަރަހައްދު އިތުރު ހަމަނުޖެހުމަކަށް ވެއްޓޭނެ ކަމަށްވެސް ޔޫރަޕިއަން ކޮމިޝަން ގެ ރައީސާ އުރުސަލާ ފޮން ޑަރ ލޭއެން ގެ ވާހަކަ ފުޅުގައި އަލި އަޅުއްވާ ލެއްވިއެވެ.
ފަލަސްތީނުގެ ސުލްހައަށް ބާއްވާ އެއްވެސް މަޝްވަރާއެއްގައި ހަމާސްއަށް ފުރުސަތެއް ނޯންނާނެ ކަމަށް ބުނެ އިނގިރޭސިވިލާތުން ވަނީ ހަރުކަށި ސިޔާސަތެއް ވެސް ގެންގުޅެން ފަށާފައެވެ.
.
Advertisement
This content is created and paid for by advertisers and does not involve Voice Journalists
