ޘާބިތު ހައްޖު އެންޑް އުމްރާ ގްރޫޕާއެކު، ކުރިއަށް އޮތް 2024 ވަނަ އަހަރު ނުވަތަ ހިޖުރީ ގޮތުން 1445 ވަނަ އަހަރުގެ ރަމަޟާން މަހުގައި، އުމްރާގެ އަޅުކަން އަދާ ކުރަން ދިޔުމުގެ ފުރުސަތު، ހާއްސަ ޑިސްކައުންޓްތަކާއިއެކުގައި ހުޅުވައިލައިފިއެވެ.

ޘާބިތު ހައްޖު އެންޑު ޢުމްރާ ގުރޫޕުން ބުނެފައިވާ ގޮތުގައި ކުރިއަށް އޮތް 2024 ވަނަ އަހަރުގެ މާރިޗު މަހުގެ ތެރޭގައި އެ ގުރޫޕުން ރާވަފައިވާ އެއް ޢުމްރާ ދަތުރަކީ 14 ދުވަހުގެ ދަތުރެއް ކަމަށެވެ. އެ ޢުމްރާއަށް އެ ގުރޫޕުން ކަނޑައަޅާފައިވާ އަގަކީ 28,000 ރުފިޔާއެވެ. އަދި މި ޑިސެމްބަރ މަހުގެ ނިޔަލަށް ފައިސާ ދައްކާނަމަ ޚާއްސަ ޑިސްކައުންޓެއް ލިބޭނެ ކަމަށް ބުނެފައިވެއެވެ. 

މާރިޗުގެ މި ކުރި ޢުމްރާ ދަތުރުގެ އިތުރުން މުޅި ރަމަޟާން މަސް އެއްކޮށްވެސް ޘާބިތުވެ ޢުމްރާ ދަތުރެއް މިފަހަރުވެސް ވަނީ ހަމަޖައްސާފައެވެ. އެ ޢުމްރާއަށް އެ ގުރޫޕުން ކަނޑައަޅާފައިވާ އަގަކީ 43,500 ރުފިޔާއެވެ. 44 ދުވަހުގެ މި ޢުމްރާ އަށް ފުރުމަށް ހަމަޖެހިފައިވަނީ 8 މާރިޗުގައެވެ. އަދި އެނބުރި އައުމަށް ހަމަޖެހިފައިވަނީ 20 އޭޕްރީލްގައެވެ. މި ޢުއްރާއަށް 50 ޖާގަ ދިނުމަށް ހަމަޖެހިފައިވާއިރު މިހާރު ބާކީ އޮތީ 15 ޖާގަ ކަމަށް އެ ގުރޫޕުން މައުލޫމާތު ދެއެވެ. 

މުޅި ރަމަޟާން އެއްކޮށް އިންނަ މި ޢުމްރާގެ އިތުރުން ރަމަޟާން މަހުގެ ފަހު 19 ދުވަހާއި، 6 ރޯދަ ހިމެނޭހެން 29 ދުވަހުގެ ޢުމްރާ ދަތުރެއްވެސް ޘާބިތުން ވަނީ ރާވާފައެވެ. 39,500 ރުފިޔާގެ މި ދަތުރަށްވެސް ދޫކުރުމަށް ހަމަޖެހިފައިވަނީ 50 ޖާގަ ކަމަށާ، އުމްރާއަށް ފުރުމަށް ހަމަޖެހިފައިވަނީ 22 މާރިޗުގައި ކަމަށް ޘާބިތުން ބުނެއެވެ. 

މި ދަތުރުގައި އެ ކުންފުނިން ފޯރުކޮށްދޭ ޚިދުމަތްތަކުގެ ތެރޭގައި ދެކޮޅު ޓިކެޓާއި، ޢުމްރާ ވިސާއާއި މައްކާއާއި މަދީނާގައި ތިބުމާއި، ދިވެހި ވަންތަ ކެއުމާއި ބުއިން ހަމަޖައްސައިދިނުމުގެ އިތުރަށް، ޢުމްރާއަށް ތައްޔާރުކޮށްދިނުމަށް ބޭނުންވާ ތަމްރީނާއި، ދުޢާ ކާޑާއި، މައްކާއާއި މަދީނާއަށް ޒިޔާރާތްކުރުމުގެ ދަތުރެއް ހިމެނެއެވެ.

މީގެ އިތުރުން ތިން ޢުމްރާކުރުމުގެ ފުރުސަތާއި، ހަރަމްފުޅާ ކައިރިން ހޮޓާ ފޯރުކޮށްދިނުމުގެ އިތުރަށް އެ ދަތުރުގެ ބައިވެރިންނަށް އެ ގުރޫޕުން އިހުރާމު އަދި ފައިވާންލާ ދަބަސް ވެސް ފޯރުކޮށްދެއެވެ. 

އެ ޚިދުމަތްތަކުގެ އިތުރުން، ޖިއްދާ ދަތުރަކާއި އަދި އަގީގާއާއި ޞަދަޤާތުގެ ގޮތުގައި ބަކަރި ކަތިލުންވެސް ކުރިއަށް ދާނެ ކަމަށް އެ ގުރޫޕުން މައުލޫމާތު ދެއެވެ.

އުމްރާ ދަތުރު ތަކަށް ރަޖިސްޓަރީކުރައްވައި ޖާގައެއް ކަށަވަރުކުރެއްވުމަށް ދައްކަވަންޖެހޭނީ 5،000 ރުފިޔާއެވެ. އަނެއްބައި ފައިސާ ބަހާލައިގެން ދެއްކުމުގެ ފުރުސަތު އޮތް ކަމަށް ޘާބިތުން މައުލޫމާތު ދެއެވެ. 

މި ދަތުރުތަކާ ގުޅޭ އިތުރު މައުލޫމާތު އޮޅުންފިލުއްވުމަށް ބޭނުންފުޅުވާ ބޭފުޅުން 7907074 ނުވަތަ 9402423 ނަންބަރަށް ގުޅުއްވުމުން އިތުރު މައުލޫމާތު ލިބިވަޑައިގަންނަވާނެއެވެ.

ޘާބިތު ހައްޖު އެންޑް އުމްރާ ގްރޫޕުން، ހުއްދަ ލިބިގެން، މި ހިދުމަތް ދޭން ފެށީ މިދިޔަ އަހަރުއެވެ. އެކުންފުނިން މި އަހަރު ނިމުމުގެ ކުރިން ވެސް، އުމްރާގެ ދެ ދަތުރެއް ކުރުމަށް ވަނީ ހަމަޖެހިފައެވެ.