ހައްދުފަހަނައަޅާފައިވާ އިސްރާއީލުން ފަލަސްޠީން ރައްޔިތުން އަތުން ބިންތައް ފޭރިގަނެ މުޅި ފަލަސްތީނުގެ ނަސްލު ނައްތާލުމަށް ހިންގަމުންދ ޖަރީމާތަކާއިގުޅޭ މަޢުލޫމާތު ދިނުމަށް އަލް-ޢަޞްރުގެ ފަރާތުން ބާއްވާ ޚާއްސަ ދަރުސް މިރޭ އޮންނާނެ ކަމަށް ބުނެފިއެވެ.
"النكبة - އުންމަތުގެ ކާރިސާ" ނަމުގައި ބޭއްވުމަށް ހަމަޖެހިފައިވާ މި ދަރުސް އޮންނާނީ މިރޭ 21:00 ގައި އާރޓިފިޝަލް ބީޗް ސަރަހައްދުގައެވެ.
ދަރުސް ދެއްވާނީ ރާއްޖޭގެ ފުންނާބު އުސް ދީނީ ޢިލްމުވެރިޔާ ޑރ.އާދަމް ޝަމީމެވެ.
އަލް-ޢަޞްރުން ބުނީ، މި ދަރުސްގައި ފަލަސްތީނާއި އިސްރާއީލާ ދެމެދު ހިނގަމުންދާ ކަންކަން ފެށިގެން އައި ގޮތަކީ، އެ މައްސަލާގައި އެކި މަރުހަލާ ތަކުގައި ކަން ހިނގާ ގޮސްފައިވާ ގޮތަށް އަލި އަޅުވާ ލެވޭނެ އެވެ. އަދި ފަލަސްތީނުގެ މިހާރުގެ ހާލަތާއި ގުޅޭގޮތުންވެސް އާއްމުންނަށް މައުލޫމާތު ތަކެއް އެނގިގެން ދާނެ ކަމަށްވެސް ބުނެއެވެ.
މީގެ އިތުރުން، ފަލަސްތީން ކާރިސާއިން މުސްލިމުންނަށް ލިބޭ ފިލާވަޅުތަކާ ބެހޭ ގޮތުންވެސް މިދަރުސްގައި ޝެއިޚް ވާހަކަ ދައްކަވާނެ ކަމަށް އަލް-ޢަޞްރުން މައުލޫމާތު ދެއެވެ.
އަލް ނަކްބާ - އުންމަތުގެ ކާރިސާ ދަރުސް ޕޯސްޓަރ-- ގްރެފިކްސް/ އަލް-ޢަޞްރު
އަލް-ޢަޞްރުން އިތުރަށް ބުނެފައިވާ ގޮތުން، މި ދަރުސް ކުރިއަށްދާ ވަގުތު ތަކުގައި، އެ ސަރަހައްދުގައި އައިއޭސީގެ ޣައްޒާ ރިލީފް ފަންޑަށް ފައިސާ ހަދިޔާ ކުރަން ބޭނުންވާ ފަރާތްތަކަށް އެ ފުރުސަތު ދިނުމުގެ ގޮތުން ފަންޑް ފޮއްޓެއްވެސް ބެހެއްޓިފައި ހުންނާނެއެވެ.
އެހެންކަމުން ވީހާވެސް ގިނަ ފަރާތްތަކުން މިރޭގެ ދަރުހަށް އައުމަށް އަލް-ޢަޞްރުން ވަނީ ދަޢުވަތު ދީފައެވެ.
Advertisement
This content is created and paid for by advertisers and does not involve Voice Journalists
