ފާއިތުވި 5 އަހަރު ޤައުމަށް ގެނެވުނު ހަމަޖެހުމާއި ސުލްޙަ މަސަލަސްކަމަކީ ލިބުނު އެންމެބޮޑު ކުރިއެރުންކަމަށް ރައީސުލް ޖުމްހޫރިއްޔާ އިބްރާހިމް މުހައްމަދު ސޯލިހް ވިދާޅުވެއްޖެއެވެ.

ޖުމްހޫރީ ދުވަހުގެ މުނާސަބަތުގައި މިއަދު ހެނދުނު ދިވެހި ޤައުމާ މުޚާޠަބު ކުރައްވައި ދެއްކެވި ވާހަކަފުޅުގައި ދިވެހި ޤައުމާ މުޚާޠަބު ކުރައްވައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި، ވިދާޅުވީ މީގެ 5 އަހަރުކުރިން އެމަނިކުފާނު ރައީސުލްޖުމްހޫރިއްޔާގެ މަޤާމަށް ވަޑައިގަތްއިރު ޤައުމު އޮތް ޙާލަތު ވަރަށް ވެސް ތަފާތު ކަމަށެވެ.

އެމަނކުފާނޫ ވެރިކަމާއި ހަވާލުވެވަޑައިގަތް އިރު ރައްޔިތުން އެދުނީ މަގުމަތީގެ ނާމާންކަމާއި، ހަމަނުޖެހުމާއި، ހަލަބޮލިކަމަށް ހަމަޖެހުމެއް ގެނައުމަށް ކަމަށާއި، ސަރުކާރާ ޚިޔާލު ތަފާތުވުމުގެ އަގު ޖަލުގެ އަނިޔާއިން ދައްކަން ޖެހުން ނިމުމަކަށް ގެނައުމަށާއި ރައްޔިތުން އަޅުގަނޑާ ހަވާލުކުރީ، ނޫސްވެރިންނަށް އޭރު އޮތް ބިރުވެރިކަން ނައްތައިލުމަށް ކަމަށެވެ. މިގޮތުން ކުރެވުނު މަސައްކަތުން އޭރުގެ ބިރުވެރި ޙާލަތު މިހާރު މިވަނީ ބަދަލުކުރެވިފައި ކަމުގައި އެމަނިކުފާނު ވިދާޅުވިއެވެ.

Advertisement

މީގެ އިތުރުންވެސް ގައުމާއި މުޚާތަބު ކުރައްވަމުން ރައީސް ވިދާޅުވީ ގިނަ ޕާޓީތަކެއް އެކުލެވޭ ސިޔާސީ ނިޒާމަށް ރާއްޖެ ބަދަލުވި ފަހުން މިއީ އޮމާންކަމާއެކު ވެރިކަން ބަދަލުވުމުގެ މަސައްކަތް ހިނގާ ފުރަތަމަ ފަަހަރުކަން ވަނީ ފާހަގަ ކުރައްވާފައެވެ. އަދި މި ފަދައިން ކުރިއަށް އަންނަން އޮތް ވެރިކަންތައް ބަދަކު ވުމުގެ މަރުހަލާ ކުރިއަށް ދިޔުމަށް އެންހާ ރައްޔިތުންވެސް އުންމީދު ކުރާނެ ކަމަށް ވިދާޅުވިއެވެ.

ރައީސް ގެ ވާހަަކަ ފުޅުގައި ފާއިތުވީ ފަސް އަހަރު ސަރުކާރަށް އެއްބާރުލުމާއި އެހީތެރިކަން ދިން ފަރާތް ތަކަށް ޝުކުރު އަދާކޮށް އާ ސަރުކާރަށް ކާމިޔާބީ އަށް ވަނީ އެދިލައްވާފައެވެ.