ޏ.ފުވައްމުލަކު އެއާޕޯޓުގައި މޯލްޑިވިއަންގެ ފްލައިޓެއް ކާގޯ ވެހިކަލެއްގައި ޖެހި ނުރައްކާތެރި އެކްސިޑެންޓެއް ހިނގައިފިއެވެ.

މިހާދިސާ ހިނގާފައި ވަނީ މިއަދު ހަވީރު 5:30 ހާއިރުއެވެ. މި އެކްސިޑެންޓްގައި އެކަކަށް ވަނީ ވަރަށް ބޮޑު އަނިޔާތަކެއް ލިބި  ފުވައްމުލަކު ހޮސްޕިޓަލް ގެ އައިސީއޫ އަށް ލާފައެވެ.

އަނިޔާވެ ހާލު ދެރަވި މީހާ މިހާރު މާލެ ގެނައުމަށް ޑޯނިއާ އެއާކްރާފްޓެއް ފުވައްމުލަކަށް ފޮނުވުމގެ މަސައްކަތް ކުރަމުން އަންނަ ކަމަށް އެމްއެންޑީއެފްއިން ވަނީ ބުނެފައެވެ.

Advertisement

މިކަމާއި ބެހޭގޮތުން ހާލު ސީރިއަސްވި މީހާގެ އާއިލާއިން ބުނީ އަނިޔާވި ފަރާތުގެ އެތެރެ ހައްޓަށް ލޭ އެޅުމުގެ ސަބަބުން ސާޖަރީތައް ކޮަށްފައިވާ ކަމަށެވެ. ޑޯނިއާއިން ދަތުރު ކުރަން އެއްބަސް ވީ ކަމުގައި ވިޔަސް އެކަމާއި މެދު ޔަގީން ކަމެއް ނެތް ކަމަށާއި އެކްސިޑެންޓް ހިނގުމަށް ފަހު  މިހާ ގިނައިރު ރަނގަޅު ފަރުވާ އެއް ނުދެވި ، މާލެ ގެނެވޭނެ ގޮތެއް ނެތި ބާއްވަން ޖެހުމުން އާއިލާއިން ވަނީ އެކަމާއި މެދު ކަންބޮޑުވުން ފާޅު ކޮށްފައެވެ.

އަދި އަނިޔާ ވެގެން އުޅެނީ ވެހިކަލް ދުއްވަން އިން މީހާއަށް ނޫންކަމަށާއި މިފަދައިން ހަބަރު ނުފެތުރުމަށް އާއިލާގެ ފަރާތުން ވަނީ އެދިފައެވެ.

ހާލު ދެރަވި ފަރާތަކީ އެއާޕޯޓުގެ ސެކިއުރިޓީގައި މަސައްކަތް ކުރާ ފަރާތެއް ކަމަށާއި ބައެއްފަހަރު މުއްޒަފުން މަދު ކަމުން ކާގޯ ހޭންޑަލް ކުރަން ދާ ކަމަށްވެސް ބުންޏެވެ.

މިހާދިސާ ހިނގުމަށް  ބޮޑަށް މެދުވެރިވީ ކާގޯ ހޭންޑަލް ކުރުމަށް ފަހު މީހުން އެރުވުމުގެ ކުރިއަށް ވެހިކަލް ފަހަތަށް ޖަހާފައި އޮތް ވަގުތު ފައިބައިގެން ހުއްޓާ އޭތީގެ ގިޔަރު ފަހަތަށް ޖެހިފައި ހުއްޓާ ދުއްވާލުމުގެ ތެރޭގައި ފަހަތަށް އައި  ވަގުތު އެއިން ސަލާމަތް ވާން އުޅެނިކޮށް ފްލައިޓާއި ވެހިކަލާއި ދޭތެރޭ ފިތި އަނިޔާ ވީ ކަމަށް ބެލެވޭ ކަމަށް އާއިލާ ގެ ފަރާތުން މައުލޫމާތު ދެމުން ބުންޏެވެ.

މިހާދިސާއާ ގުޅޭ ފޮޓޯތައް ސޯޝަލް މީޑިއާގައި ދައުރުވަމުންދާއިރު، އަނިޔާވި މީހާ އަށް ފަރުވާ ދިނުމަށް ސްޓްރެޗަރ އަށް އޭނާ އަރުވަން މަސައްކަތް ކުރާ މަންޒަރު ވެސް ފެނެއެވެ.

ކާގޯ ވެހިކަލް ދުއްވަން އިން މީހާއަށް އަނިޔާވުމުގެ ސަބަބުން ވަނީ ފްލައިޓަށް އަރަން ތައްޔާރަށް ތިބި ފަސިންޖަރުން ބޯޑިންގ އޭރިއާގައި މަޑުކުރުވާފައެވެ.