ދައުލަތުން ކުރިއަށް ގެންދާ 5 މިލިއަން ރުފިޔާ އިން މަތީގެ ޕްރޮކިއުމަންޓްތަކުގައި ބައިވެރިވުމަށް މިހާރު ހުށަހެޅޭނީ ބީލަން ޕޯޓަލް މެދުވެރިކޮށް ކަމަށް ފިނޭންސް މިނިސްޓްރީން ބުނެފިއެވެ.
ފިނޭންސް މިނިސްޓްރީން މިކަން އިއުލާން ކޮށްފައިވަނީ މިއަދު ނެރުނު ސަރކިއުލާ އެއްގައެވެ.
އެގޮތުން ސާކިޔުލާގައި ބުނެފައިވާގޮތުން އިލެކްޓްރޯނިކް ނިޒާމެއްގެ ތެރެއިން ރައްކާތެރި ކަމާއި ފަސޭހަ ކަމާއި އެކު ބީލަން ވެރިން ހުށައަޅާ ބީލަންތައް ބަލައިގަނެވޭނެ އިންތިޒާމެއް ހަމަޖެއްސުމުގެ ގޮތުން 2021 ވަނަ އަހަރު ތައާރަފް ކުރެވުނު ތައާރަފް ކުރެވުނު ޕޯޓަލް އިތުރަށް ތަރައްގީކޮށް، ދައުލަތުން ކުރިއަށް ގެންދާ 5 މިލިއަން ރުފިޔާ އިން މަތީގެ ހުރިހާ ޕްރޮކިއުމަންޓްތަކެއް މި ޕޯޓަލް މެދުވެރިކޮށް ކުރިއަށް ގެންދެވޭނެއެވެ.
އެހެންކަމުން 13 ނޮވެންބަރު 2023 އިން ފެށިގެން ދައުލަތުގް އާންމު ބަޖެޓުން ދެން އިއުލާން ކުރާ 5 މިލިއަން ރުފިޔާ އަށް ވުރެ މަތީގެ ހުރިހާ ޕްރޮކިއުމަންޓްތަކުގެ ބިޑް ހުށައެޅުން ޕޯޓަލް މެދުވެރިކޮށް ކުރިއަށް ގެންދިއުމަށް މިނިސްޓްރީން ވަނީ އެދިފައެެވެ.
Advertisement
This content is created and paid for by advertisers and does not involve Voice Journalists
