ބިގޭއަކީ ބޮން ހެދުމުގެ މާޒީއެއް އޮތް ބޭފުޅެއްކަމަށް އުނގޫފާރު ދާއިރާގެ މެމްބަރު މުހައްމަދު ވަހީދު ތުހުމަތުކުރައްވައިފިއެވެ.

ވަހީދު މިހެން ވިދާޅުވީ މަޖިލީހުގެ ކުރީގެ ރައީސް މުހައްމަދު ނަޝީދާއި ދިމާލަށް ބިގޭ މިއަދު އައުގުރުއާނަ ގޮވުމާއި ގުޅިގެން ކުރެއްވި ޓްވީޓެއްގައެވެ.

"ރައީސް ނަޝީދުގެ ވާހަކަފުޅު ނިމުމުން “އަހަންނާ އަޅައިގަނެގެން އުޅެންޏާ “ހޭއަރުވާލަފާނަމޭ” ބުނެ އިންޒާރުދިން އަޑުވެސް މިހިރީ އަރާފައި. ބޮމުގެ ހަމަލާއެއް ރައްދުވި ރައީސް ނަޝީދުއަށް އިންޒާރު ދިން ބިގޭއަކީ ބޮން ހެދުމުގެ މާޒީއެއް އޮތް ބޭފުޅެއްކަންވެސް ހަނދާންކޮށްލަން ޖެހޭ." ވަހީދު ވިދާޅުވިއެވެ.

އަލިފުށީ ދާއިރާގެ މެންބަރު މުހައްމަދު ރަޝީދު ހުސެން (ބިގޭ) ރައްޔިތުންގެ މަޖިލީހުގެ ތެރޭގައި އެ މަޖިލީހުގެ ކުރީގެ ރައީސް މުހައްމަދު ނަޝީދަށް އައުގުރާނަ ގޮވާ ވީޑިއޯއެއް މިހާރު ދަނީ ސޯޝަލް މީޑިއާ ތެރޭގައި ދައުރު ވަމުންނެވެ.

މިކަމުގެ ސަބަބުން ބައެއް މީހުން އަންނަނީ ބިގޭއަށް ފާޑުކިޔަމުންނެވެ