ދައުލަތުގެ މުދަލަށް ބޮޑެތި ޚިޔާނާތް ވީކަމަށް އަމިއްލައަށް އިޢުތިރާފްވެ އެކަމުގެ ކުށް ސާބިތުވެފައިވާ ފަރާތްތަކަށް ޙައްޤު އަދަބު ނުލިބި ދިޔުމަކީ ބަލައިގަންނަ ކަމެއް ނޫންކަމަށް އަދާލަތު ޕާޓީއިން ބުނެފިއެވެ.

އަދާލަތު ޕާޓީއިން މިފަދައިން ބުނެފައި މިވަނީ އެމްއެމްޕީއާރުސީ މައްސަލައިގެ މުގުލުގައި ހުރި އަދީބާއި ޒިޔަތަށް ރައީސުލް ޖުމްހޫރިއްޔާ އިބްރާހިމް މުހައްމަދު ޞާލިހު މާފު ދެއްވުމާއި ގުޅިގެންނެވެ. 

ކުރީގެ ނައިބު ރައީސް އަހުމަދު އަދީބާއި އެމްއެމްޕީއާރުސީގެ ކުރީގެ މެނޭޖިން ޑިރެކްޓަރު ޒިޔަތަށް އަދަބު ލުއިކޮށް ދިނީ ޕެރޯލް ޤާނޫނުގެ ދަށުން ރައީސުލްޖުމްހޫރިއްޔާއަށް ލިބިދޭ ބާރުގެ ދަށުން އިއްޔެއެވެ.

Advertisement

ޒިޔަތާއި އަދީބު މިނިވަންވެފައި މިވަނީ އެމްއެމްޕީއާރްސީގެ ހިޔާނާތުގެ މައްސަލައިގައި ކުށް ސާބިތުވެ، 20 އަހަރުގެ ޖަލު ހުކުމެއް، ގޭ ބަންދުގައި ތަންފީޒު ކުރަމުން ދަނިކޮށެވެ.

އެމްއެމްޕީއާރްސީގެ ހިޔާނާތުގައި ދައުލަތަށް ލިބެންޖެހޭ 1.3 ބިލިއަނަށްވުރެ ގިނަ ރުފިޔާ ވަގަށްނެގިއިރު، ޒިޔަތު ހުންނެވީ އެ ކުންފުނީގެ މެނޭޖިން ޑިރެކްޓަރުގެ މަޤާމުގަ އެވެ.އަދި ކުރީގެ ނައިބު ރައީސް އަހުމަދު އަދީބު އެއިރު ހުންނެވީ ފަތުރުވެރިކަމާ ބެހޭ މިނިސްޓަރުގެ މަޤާމުގަ އެވެ.