ފިނޭންސް މިނިސްޓްރީ އިމާރާތުގެ ފުރަތަމަ ފަންގިފިލާ، އެ މިނިސްޓްރީއަށް ގިނަ ހިދުމަތްތަކެއް ކޮށްދެއްވި އަހުމަދު މުޖުތަބާއަށް ހާއްސަކޮށްފިއެވެ.
ފިނޭންސް މިނިސްޓްރީގެ ޗީފް ޕްރޮކިއުމަންޓް އެގްޒެކެޓިވްގެ މަގާމުގައި ހުންނަވަނިކޮށް މުޖުތަބާ ކުއްލި ގޮތަކަށް ނިޔާވީ މިދިޔަ އަހަރުގެ ޖުލައި މަހުއެވެ. އޭނާ ވަނީ ފިނޭންސް މިނިސްޓްރީގައި 14 އަހަރަށް ވުރެ ގިނަ ދުވަހު ހިދުމަތް ކުރައްވައިފައެވެ.
މި ފަންގިފިލާ ހުޅުއްވައި ދެއްވީ މުޖުތަބާގެ ކޮއްކޮ މުރުތަޟާ މަޖުދީ އެވެ.
އާއިލާއާ އެކު ޗުއްޓީ އަށް އުފަން ރަށް ގއ. ދެއްވަދޫގައި ހުއްޓައި ކުއްލިއަކަށް ބަލިވެގެން އެންމެ ފުރަތަމަ މުޖުތަބާ ގެންދިޔައީ ގދ. ތިނަދޫ ރީޖަނަލް ހޮސްޕިޓަލަށެވެ. އެކަމަކު، އިތުރު ފަރުވާ މާލެ ގެނެސް އައިޖީއެމްއެޗްގައި ފަރުވާ ދެމުން ދަނިކޮށް އޭނާ ވަނީ ނިޔާވެފައެވެ.
އެ މިނިސްޓްރީން މިއަދު ވިދާޅުވީ ފުރަތަމަ ފަންގިފިލާ، އެކުވެރި މުޖުތަބާ އަށް ހާއްސަ ކުރީ މިނިސްޓްރީ އަށް ކޮށްދެއްވި ލާމަސީލް ހިދުމަތްތަކުގެ އަގު ވަޒަން ކުރުމުގެ ގޮތުން ކަމަށެވެ.
އެ އިމާރާތުގެ ފުރަތަމަ ފަންގިފިލާގައި ހިންގަނީ މީރާގެ އޮފީސްތަކެވެ.
Advertisement
This content is created and paid for by advertisers and does not involve Voice Journalists
