ޣައްޒާގައި ވާރޭވެހެން ފެށުމުން ފެން ނަގަން ތިބި ކުޑަކުދިން ތަކެއް ޝަހީދުކޮށްލައިފި
ޣައްޒާއަށް ވާރޭ ވެހެން ފެށުމުން ވާރޭ ފެން އެއްޗެއްސަށް އަޅަން ތިބި ކުޑަކުދިން ތަކެއް އިޒްރާއިލުން ޝަހީދުކޮށްލައިފިއެވެ.
ފަލަސްޠީނުގެ ނޫސްވެރިއެއް ކަމަށްވާ ފަދީ އަލްވަދީ އިންސްޓަގްރާމްގައި ހިއްސާ ކޮށްފައިވާ ވީޑިއޯ އެއްގައި ދައްކުވައިދެނީ ޖަބަލިއްޔާ ރެފިޔުޖީ ކޭމްޕަށް ދިން ހަމަލާއެއްގައި ހަލާކުވެފައިވާ ޢިމާރާތް ތަކުގެ ދަށުން މީހުން ސަލާމަތް ކުރުމަށް ރެސްކިޔު ވޯކަރުން މަސައްކަތް ކުރަމުން ދާ މަންޒަރެވެ.
މި ވީޑިއޯ އާއި އެކު ފަދީ ބުނެފައިވަނީ ޖަބަލިއްޔާއަށް ދިން މި ހަމަލާގައި ވާރޭ ވެހުނު ވަގުތު ބޯނެ ފެން އެއްކުރަން ތިބި ކުދިން ތަކެއްވެސް ވަނީ ޝަހީދުވެފައި ކަމަށެވެ.
ޣައްޒާގެ އިންޓީރިއާ މިނިސްޓަރު އަލްޖަޒީރާއަށް ބުނެފައިވަނީ ޖަބަލިއްޔާ އަށް ދިން އެހަމަލާގައި 4 މީހަކު ޝަހީދުވެ އިތުރު ބަޔަކު ޒަޚަމްވެފައިވާ ކަމަށެވެ.
ޣައްޒާގެ ހަނގުރާމަގައި ޝަހީދުވި މީހުންގެ ތެރޭގައި ގިނަ އަދަދެއްގެ ކުޑަކުދިން ހިމެނެއެވެ.
އަލްޖަޒީރާގައި ޔުނިސެފްގެ އެކްޒެކެޓިވް ޑިރެކްޓަރ ކެތަރިން ރުސެލް ބުނެފައިވަނީ ހަނގުރާމައިގެ ދެބައިވެރިންވެސް ހިންގަމުންދަނީ ކުޑަކުދިންނާއި ދެކޮޅަށް ހިންގަމުންދާ ވަރުގަދަ ޖަރީމާތަކެއް ކަމަށެވެ.
އޭގެ ތެރޭގައި ކުދިން މެރުމާއި، ރަހީނުކުރުމާއި، ސްކޫލްތަކާއި ހޮސްޕިޓަލް ތަކަށް އަމާޒުކޮށް ހަމަލާދިނުމާއި އިންސާނީ އެހީ އަށް ހުރަސް އެޅުން ހިމެނޭކަމަށެވެ.
“ގިނަ ކުޑަކުދިން ތަކެއް ވަނީ ވީނުވާއެއް ނޭނގިފައި، ޤަބޫލް ކުރެވޭ ގޮތުގައި ވެއްޓިފައިވާ ޢިމާރާތް ތަކުގެ ދަށުގައި އެކުދިން ވަނީ ވަޅުލެވިފައި، މިއީ ނުރައްކާތެރި ގޮވާތަކެތި ބޭނުންކުރުމުގެ ނަތީޖާ” ކެތަރިން ބުނެފައިވެއެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
