ހުކުރު ދުވަހު ވެރިކަމުގެ ހުވާ ކުރައްވާ، އިންތިޚާބީ ރައީސް ޑރ. މުހައްމަދު މުއިއްޒުގެ ވެރިކަމުގެ ފުރަތަމަ 14 ހަފްތާގެ ތެރޭގައި, ދެކުނުން ކަނޑުގެ ބައެއް ގެއްލޭ ގޮތަށް އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް)އިން ނިންމި ނިންމުން އިސްތިއުނާފު ކުރަން ނިންމައިފިއެވެ.
އިންތިޚާބީ ސަރުކާރުގެ ފުރަތަމަ 14 ހަފްތާގެ ޕްލޭން އިފްތިތާހު ކުރުމަށް މިރޭ ބޭއްވި ހަފުލާގައި ހާމަކުރި ގޮތުގައި، މުއިއްޒުގެ ވެރިކަމުގެ ތެރޭގައި އިޓްލޮސްގެ ނިންމުން އިސްތިއުނާފު ކުރަން ވަނީ ނިންމައިފައެވެ.
ދިވެހިރާއްޖެއާއި މޮރިޝަސްއާ ދެމެދު ފުށުއަރާ ކަނޑުގެ އިމުގެ މައްސަލަ 58 އަހަރު ފަހުން، މި އަހަރު އިޓްލޮސްއިން ނިންމީ ރާއްޖެއިން އެދުނު ގޮތަށެވެ. އިޓްލޮސްއިން އޭޕްރީލް 28 ގައި ހުކުމް ކުރުމާ އެކު އޭރު އިދިކޮޅުގައި ތިބި ޕީޕީއެމް/ޕީއެންސީން ވަނީ ވަރަށް ބޮޑަށް ނުރުހުން ފާޅުކޮށްފައެވެ. އަދި، ކަނޑުން ބައެއް "ވިއްކައިލީ" ކަމަށް ތުހުމަތުކޮށް، އިޓްލޮސްގެ ނިންމުން އިސްތިއުނާފު ކުރަން ޖެހޭ ކަމަށް ތަކުރާރުކޮށް ގޮވައިލިއެވެ.
އާ ސަރުކާރުން ފުރަތަމަ ހަފްތާ 14 ގެ 161 ވައުދުގެ ތެރޭގައި ވަނީ އެ މައްސަލަ އިސްތިއުނާފު ކުރަން ހިމަނައިފައެވެ.
Advertisement
This content is created and paid for by advertisers and does not involve Voice Journalists
