ވެރިކަމުގެ ފުރަތަމަ 100 ދުވަހު ކުރާނެ އެންމެ މުހިންމު ކަމަކީ ރާއްޖޭގައި ތިބި އިންޑިއާ ސިފައިން ބޭލުން ކަމަށް އިންތިހާބީ ރައީސް ޑރ.މުހައްމަދު މުއިއްޒު ވިދާޅުވެއްޖެއެވެ.

މިރޭ ދަރުބާރު ގޭގައި ބޭއްވި ރަސްމިއްޔާތުގައި ޑރ.މުއިއްޒު ހަފްތާ 14 އިފްތިތާހުކޮށްދެއްވާފައިވާއިރު އެ މަނިކުފާނުގެ ވެރިކަމުގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ގާއިމުކުރި ސިއްރު އެއްބަސްވުންތަކުގައި ރާއްޖޭގެ ސިޔާދަތަށް ނުރައްކާވާފަދަ ނުކުތާތަކެއް ހުރި ނަމަ އުވާލުމުގެ މަސައްކަތްތައް ކުރުމަށްވެސް ޑރ.މުއިއްޒުގެ ހަފްތާ 14ގެ 172 ވައުދުގެ ތެރޭގައި ހިމަނާފައިވެއެވެ.

މީގެ އިތުރުން ދިވެހިރާއްޖޭގެ ކަނޑުގެ ސަރަހައްދެއް ގެއްލިގެންދާ ގޮތަށް އިޓްލޮސްއިން ނިންމާފައިވާ ނިންމުން އިސްތިއުނާފުކުރުމުގެ މަސައްކަތަކީ ވެސް ފުރަތަމަ 100 ދުވަހުގެ ތެރޭގައި ކުރުމަށް ނިންމާފައިވާ މަސައްކަތެކެވެ. އަދި ރާއްޖޭގެ މިސްކިތްތަކުގެ އާބާރުތަ ފިލުވުމުގެ ގޮތުން މިހާރަށްވުރެ ތިން ގުނަ އިތުރަށް ހަރަދުކުރުމާ އަދި މެދު ނުކެނޑި މިސްކިތްތަކުގެ ހާލަތު ދެނެގަނެވޭނެ ފަދަ ނިޒާމެއް ގާއިމުކުރުމަށްވެސް ވަނީ ހިމަނާފައެވެ.

Advertisement

އިންތިހާބީ ރައީސް ޑރ. މުހައްމަދު މުއިއްޒުގެ 100 ދުވަހުގެ ޕްލޭންގައި ކުރަން ނިންމާފައިވާ މަގުޗާޓަކީ ދިވެހި ކޮންމެ ރައްޔިތެއްގެ އުއްމީދުތައް ގުޅިލާމެހިފައިވާ ޒަމާނީ ރާއްޖެއަކަށް ރާއްޖެ ހެދުން ކަމަށް އިންތިހާބީ ރައީސްގެ ޓީމުން ބުނެއެވެ.