ފަލަސްޠީނުގެ ޣައްޒާގައި ކުރިއަށްދާ ހަނގުރާމަ ހުއްޓާލުމަށް އޮސްޓްރޭލިޔާގެ 40،000 ހެލްތް ވޯކަރުން ސޮއިކޮށްފައިވާ ޕެޓިޝަނަކުން ގޮވައިލައިފިއެވެ.
40،000 ހެލްތް ވޯކަރުން ސޮއިކޮށް އޮސްޓްރޭލިޔާގެ ޕާލިމެންޓް ހައުސްއަށް ހުށައަޅައިފައިވާ ޕެޓިޝަންގައި ބުނެފައިވަނީ ވަގުތުން ވަގުތައް އިންސާނިއްޔަތަށްޓަކައި ހަމަލާތައް މެދުކަނޑައިލުމަށެވެ.
“މިހިނގަމުންދާ އަނިޔާވެރިކަން ކުރިއަށްދާތަން ބަލަހައްޓައިގެން ބަސް ހުއްޓާލައިގެން ތިބެވޭކަށް ނެތް، އެކަން ވާނީ އަހަރެމެންގެ “މެޑިކަލް އެތިކަލް ޕްރިންސިޕަލް” ތަކާއިވސް ޚިލާފު ކަމަކަށް” އޮސްޓްރޭލިޔާގެ ހެލްތް ވޯކަރުންގެ ޕެޓިޝަންގައި ބުނެފައިވެއެވެ.
މީގެިއތުރުންވެސް ދުނިޔޭގެ އެކި ޤައުމުތަކުންނާއި ބައިނަލް އަޤްވާމީ ޖަމާޢަތް ތަކުން ދަނީ އިޒްރާއިލުން ޣައްޒާގެ އަލް ޝިފާގައި ހިންގަމުންއަންނަ އަނިޔާވެރި ޢަމަލުތައް ކުށްވެރިކުރަމުންނެވެ.
އެގޮތުން، ސަޢުދީޢަރަބިއްޔާއިން މިއަދު ވަނީ އިޒްރާއިލުން ޣައްޒާގެ އަލް ޝިފާއަށް ވަދެ ހިންގަމުންދަ ޖަރީމާތަކާއި ޖޯޑަން ހޮސްޕިޓަލްގެ ގޯތިތެރެއަށް ރޭ އިޒްރާއިލުން ދިން ހަމަލާ ކުށްވެރިކޮށްފައެވެ.
އިޒްރާއިލުން ޣައްޒާއަސް ހުއްޓުމެއް ނެތި ދެމުންދާ ގެއްލުންދެނިވި ހަމަލާތަކުގައި ފަލަސްޠީނުގެ 11،000 އަށްވުރެ ގިނަ މީހުން ވަނީ ޝަހީދުކޮށްލައިފައެވެ. އޭގެ ތެރޭގައި ބޮޑު ބައެއް ހިއްސާ ކުރަނީ ކުޑަކުދިންނާއި އަންހެނުންނެވެ.
Advertisement
This content is created and paid for by advertisers and does not involve Voice Journalists
