އަލް ޝިފާ މެޑިކަލް ކޮމްޕްލެކްސްގައި ހުންނަ ޢިމާރާތެއް ހަލާކުކޮށްލައި، އެތަނުގެ ތެރޭގައި ތިބި މީހުން އިޒްރާއިލް ސިފައިން ގެންގޮސްފިއެވެ.
އަލްޖަޒީރާގައި ބުނެފައިވަނީ އަލް ޝިފާ މެޑިކަލް ކޮމްޕްލެކްސްގެ ޚާއްސަ ސާރޖަރީތައް ކުރުމަށް ޚާއްސަ ޢިމާރާތް އިޒްރާއިލް ސިފައިން ހަލާކުކޮށްލައިފައިވާ ކަމަށާއި އެޢިމާރާތުގެ ތެރޭގައު ތިބި މީހުން ގެންދިޔަ ތަނެއް ނޭނގޭ ކަމަށެވެ.
މީގެ އިތުުރުން އަލް ޝިފާގެ ތެރޭގައި ހުންނަ ބޭސް ރައްކާ ކުރާ ގުދަނެއް އިޒްރާއިލް ސިފައިން ގޮއްވައިލައި، ހޮސްޕިޓަލްގެ އެތެރޭގައި ހުރި މެޑިކަލް ސާމާނަށް ބޮޑެތި ގެއްލުންތަކެއް ދީ ހަލާކުކޮސްފައިވާ ކަމަށެވެ.
އަލްޖަޒީރާގައި ބުނެެފައިވަނީ 200 އެއްހާ މީހުން ކަނުބަނދެގެން ސުވާލުކުރުމަށް ކަމަށް ބުނެ ގެންގޮސްފައިވާ ކަމަށާއި، އެމީހުން ގެންދިޔައީ ކޮންތާކަށް ކަން ނޭނގޭކަމަށާއި އަދި އެމީހުންގެ ތަދުބީރަކީ ކޮބައިކަން އެނގިފައިނުވާ ކަމަށެވެ.
އަލްޖަޒީރާގައި އަލްޝިފާގެ އެތެރޭގައި ހުރި މީހަކާއި ހަވާލާދީ ބުނެފައިވަނީ 30 މީހަކު ބަރަހަނާކޮށްގެން ގެންދާ މަންޒަރު ފެނިފައިވާކަމަށާއި، އެމީހުން އަލް ޝިފާގެ ކޯޓްޔާޑަށް ގެންގޮސްފައިވާ ކަމަށެވެ. އަދި ކަނު ބަނދެގެން އެތައްބަޔަކު ގެންގޮސް ބައިބަޔަށް ބަހައިލައިފައިވާ ކަމަށެވެ.
އިޒްރާއިލުން އަލް ޝިފާގެ ތެރޭގައި ހަމާސްގެ ހަނގުރާމަވެރިން ފޮރިވިގެން ތިބިކަމަށް ބުނެ އަލްޝިފާއަށް ވަތް ނަމަވެސް، އިޒްރާއިލުގެ ޔަހޫދީ ސިފައިން އަލް ޝިފާއަށް ވަދެ ހިންގި ޖަރީމާތަކުން އެކަން ސާބިތު ކޮށްދެވިފައެއް ނުވެއެވެ.
އިޒްރާއިލަށް އެމީހުންގެ ވާހަކަތައް ސާބިތު ކޮށްނުދެވުނު އިރު އިޒްރާއިލުން ދަނީ އަލް ޝިފާއަށް ބޮޑެތި ގެއްލުންތަކެއް ދެމުންނެވެ.
ފާހަގަ ކޮށްލަން ޖެހޭ ކަމަކީ އިޒްރާއިލުން އަލް ޝިފާގެ ތެރޭގައި ހިންގަމުންދާ ޖަރީމާތައް ހިންގަމުންދަނީ އެތަނުގެ ވަށައިގެން ހަނގުރާމައިގެ ބަރު ހަތިޔާރުތައް ބަހައްޓައިގެން ކަމެވެ.
Advertisement
This content is created and paid for by advertisers and does not involve Voice Journalists
