ހުޅުމާލޭ ދެ ވަނަ ފިޔަވަހީގައި ހުންނަ ވިލާ މާޓުން 24 ގަޑިއިރު ހިދުމަތް ދޭން ފަށައިފިއެވެ.
ވިލާ ޓްރޭޑިން އިން މިއަދު ނެރުނު ބަޔާނެއްގައި ބުނީ ހިޔާ ޓަވަރު 14ގައި ހުންނަ 'ވިލާ މާޓު 4' ފިހާރަ 24 ގަޑިއިރު ހިންގާ ތަނަކަށް ބަދަލު ކުރީ މިދިޔަ އަންގާރަ ދުވަހުން ފެށިގެން ކަމަށެވެ.
ވިލާ ޓްރޭޑިން އިން ބުނީ، ހިޔާ ފްލެޓް ހިމެނޭ ސަރަހައްދުގައި ވިލާ މާޓުގެ ފިހާރައެއް ހުޅުވީ މާލެއަށް ފަހު އެންމެ އާބާދީ ބޮޑު އަދި އެންމެ ހަލުވިކޮށް ކުރިއަރަމުން އަންނަ ތަނަށް ހުޅުމާލެ ވާތީ ކަމަށާއި ފޭސް ދޭއްގައި ހުންނަ ހިޔާ ފްލެޓުތަކުގައި ދިރިއުޅޭ މީހުންނަށް ފަސޭހައިން ވިޔަފާރި ކުރެވޭނެ ގޮތެއް ހަމަޖައްސައިދިނުމަށް ކަމަށެވެ.
ވިލާ މާޓު 4 އިން ކާބޯތަކެއްޗާއި ތައްޔާރީ ކާނާގެ އިތުރުން ރީތިވާ ސާމާނާއި ގޭތެރޭގައި އާންމުކޮށް ބޭނުންކުރާ ގިނަ ސާމާނު ލިބެއެވެ. މި މާޓުން ލިބޭ ހުރިހާ ސާމާނެއް ވިލާ މާޓު ވެބްސައިޓުންނާއި އެޕުން އޯޑަރު ކުރުމުން މާލެ އާއި ހުޅުމާލެ ފޭސް އެކެއް އަދި ދޭކަށް ޑެލިވަރީ ކޮށްދޭނެއެވެ.
ވިލާ ޓްރޭޑިން އިން ބުނީ ފޭސް ދޭއްގެ ވިލާ މާޓުގައި އެކްސްޕްރެސް ކައުންޓަރެއް ގާއިމްކޮށް، މަދު އަދަދަކުން ވިޔަފާރި ކުރާ ކަސްޓަމަރުންނަށް ފަސޭހައިން ފައިސާ ދެއްކޭނެ އިންތިޒާމު ވެސް ވަރަށް އަވަހަށް ހަމަޖައްސާނެ ކަމަށެވެ.
Advertisement
This content is created and paid for by advertisers and does not involve Voice Journalists
