އެމް.ޓީ.ސީ.ސީ ގެ މުއައްޒަފުން ބެހެއްޓެވި ގާތްކަމަށާއި، ދެއްވި ލޯތްބާ އިހްތިރާމަށް ކުންފުނީގެ ހިންގުމާއި ހަވާލުވެގެން ހުންނެވި އާދަމް އާޒިމް ޝުކުރު އަދާކުރައްވައިފިއެވެ.

އާޒިމް މިފަދައިން ވިދާޅުވީ މިއަދު ޓްވިޓާގައި ކުރެއްވި ޕޯސްޓެއްގައެވެ.

އެމް.ޓީ.ސީ.ސީ ގެ ހުރިހާ މުއައްޒަފުންނަށާއި މުއައްޒަފުންގެ އާއިލާތަކަށް އަދަށްވުރެ އުފާވެރި ދުވަސްތަކެއް އެދޭ ކަމަށް އާޒިމް ވަނީ ވިދާޅުވެފައެވެ.

Advertisement

އެމް.ޓީ.ސީ.ސީއަށް އާޒިމް ކޮށްދެއްވި މަސައްކަތް ތަކުގެ އަަގު ވަޒަންކޮށް އެކުންފުނީގެ މުއައްޒަފުންވަނީ އާޒިމް އަށް ޝުކުރު އަދާކުރުމަށް ވީޑިއޯއެއް ތައްޔާރު ކޮށް މީސް މީޑިއާއަށް ދޫކޮށްލާފައެވެ.

"އަޅުގަނޑު އެމް.ޓީ.ސީ.ސީ އަށާއި ގައުމުއަށް ކޮއްދިން ހިދުމަތް ބަލައިގަނެ ހަދިޔާއަކަށް މި ލޯބި ވީޑިއޯ ދެއްވީތީ ވަރަށް ލޯތްބާއެކު ހުރިހާ މުއައްޒިފުންނަށް ހިތުގެ އެންމެ ފުންމިނުން ޝުކުރިއްޔާ." އާޒިމް ވިދާޅުވިއެވެ.

އެމް.ޓީ.ސީ.ސީ ހިންގެވުމާ އާދަމް އާޒިމް ހަވާލުވެ ވަޑައިގަތްއިރު، އެ ކުންފުނި އޮތީ ވަރަށް ނާޒުކު ފައްތަރެއްގަ އެވެ. އޭރު ކުންފުނި އޮތީ ވަރަށް ބޮޑަށް އަޑިއަޅާލައި، ގެއްލުންތަކެއްގެ ތެރޭގަ އެވެ.

ނަމަވެސް، އެ ކުންފުންޏާ ހަވާލުވެވަޑައިގެން އާޒިމް މަސައްކަތް ފެއްޓެވީ ވަރަށް ބޮޑު އުންމީދަކާ އެކު އެވެ. މަގާމާ ހަވާލުވެ ވަޑައިގަތްތާ އަހަރެއްވި އިރު، އެމް.ޓީ.ސީ.ސީ ދައްކަމުން އައީ މުޅިން ތަފާތު މަންޒަރެކެވެ. ފައިދާވާ ކުންފުންޏަކަށް އެ ކުންފުނި ބަދަލުކޮށް، ރާއްޖޭގެ އެންމެ ބިޒީ ކުންފުންޏަކަށް އެމް.ޓީ.ސީ.ސީ ބަދަލުވި އެވެ.