ފޮރިން މިނިސްޓަރުކަމުގެ ދައުރު ނިންމަވާލައްވަމުން މިނިސްޓަރު އަބްދުالله ޝާހިދު، އެ މަޤާމާއި އަލަށް ހަވާލުވެވަޑައިގަންނަވާ މޫސާ ޒަމީރަށް މަރުޙަބާ ދަންނަވާ ސިޓީފުޅެއް ފޮނުއްވައިފި އެވެ.
ޝާހިދު މި ސިޓީ ޓުވިޓާގައި ހިއްސާ ކުރައްވަމުން މިއަދު ކުރެއްވި ޓްވީޓެއްގައި ވިދާޅުވީ، އެ މަނިކުފާނު ފޮރިން މިނިސްޓްރީގެ އޮފީހުން ނުކުމެ ވަޑައިގަތީ ޒަމީރަށް މަރުހަބާގެ ސިޓީއެއް މޭޒުކޮޅު މަތީގައި ބޭއްވުމަށްފަހުގައި ކަަމަށެވެ.
ޝާހިދުގެ ސިޓީގައި ވަނީ، މިނިސްޓްރީ އޮފް ފޮރިން އެފެއާޒަކީ 90 އަހަރުގެ ދިގު މާޒީއެއް އޮތް ވުޒާރާއެއް ކަމަށް ވިދާޅުވެފައެވެ. ހާރިޖިއްޔާއަކީ ދިވެހި ދައުލަތުގެ އެންމެ މަތީ މަސްލަހަތު ހިމާޔަތް ކުރުމާއި އެކު، އެއިރަކު ހުންނަވާ ރައީސުލްޖުމްހޫރިއްޔާގެ ހާރިޖީ ސިޔާސަތު ތަންފީޒުކުރުމުގެ މަސައްކަތްޕުޅުގެ އެންމެ މަތީ މަސްއޫލިއްޔަތު އަދާކުރާ ވުޒާރާ އަކީ ޚާރިޖީ ވުޒާރާކަމަށް ޝާހިދުގެ ސިޓީފުޅުގއި ވިދާޅުވެފައި ވެއެވެ.
މީގެ އިތުރުން މިނިސްޓަރ ޒަމީރަށް ޝާހިދު ފޮނުއްވި ސިޓީގައި ވަނީ މިހާރު ވަކި ގާނޫނެއްގެ ހިޔާވަހިކަމުގެ ދަށުން ހިންގަމުންދާ އެ ވުޒާރާގެ ވަޒީރުކަމުގެ މަގާމަށް ޒަމީރުއަކީ ނުހަނު ގާބިލު އަދި ހަމަ އެހާމެ ތަޖުރިބާ ލިބިވަޑައިގެންފައިވާ ބޭފުޅެއްގެ ގޮތުގައި ދެކިވަޑައިގަންނަވާ ކަމުގައިއެވެ.
ދިވެހި ހާރިޒީ ވުޒާރާގައި މިހާރު ތިއްބެވި މުވައްޒަފުންނަކީ މި ވޭތުވެދިޔަ ފަސް އަހަރު އޭނާ ކުރެއްވި މަސައްކަތުގައި އެހީތެރިކަން ދެއްވި ޕްރޮފެޝަނަލް، ކަމަށް ގާބިލު ހީވާގި އިހްލާސްތެރި މުވައްޒަފުންތަކެއް ކަމުގައި ޝާހިދު ވަނީ ސިފަ ކުރައްވާފައެވެ. އޭނާ ގަބޫލުކުރައްވާ ގޮތުގައި، ހާރިޖީ ދާއިރާއިން ކުރިއެރުމެއް ހޯދައިފާއިވާ ނަމަ އެކުރިއެރުން ހޯދައިފައިވަނީ މިހާރު ތިބި މުވައްޒަފުންގެ ސަބަބުން ކަމަށް ވިދާޅުވިއެވެ.
އެގޮތުން ޒަމީރުގެ ލީޑާޝިޕް އާއި އިރުޝާދުގެ ދަށުން ޓީމް ހާރިޖީއިން ރާއްޖޭގެ ނަން އިތުރަށް ވިދަމުންދިއުމާއި ރާއްޖެއަށް އަބަދުމެ ސަލާމަތާއި ރައްވާތެރިކަމާއި ޒަމީރަށް ކާމިޔާބީއާއި އަރުތައާއި ފުރިހަމަ ސިއްހަތާއި އުފާ ފާގަތިކަމަށް އެދިވަޑައިގަންނަވާ ކަމަށް ޝާހިދުގެ ސިޓީ ނިންމާލައްވަމުން ބުނެފައިވެއެވެ.
Advertisement
This content is created and paid for by advertisers and does not involve Voice Journalists
