ހަނގުރާމަ ހުއްޓާލައި ޣައްޒާގެ މީހުން ނޭވާލާނެ ފުރުސަތެއް ދިނުމަށް ޔޫއެންގެ އިންސާނީ ހައްޤުތަކާއި ބެހޭ ޗީފް މާޓިން ގްރިފްތްސް ބުނެފިއެވެ.
އަލްޖަޒީރާގައި މާޓިން ބުނި ކަމަށް ބުނެފައިވަނީ ޣައްޒާގައި ބަރުދާސްތު ނުކުރެވޭ ވަރަށް ގޯސްވެފައިވާ އިންސާނީ ޙާލަތު އިތުރަށް ގޯސް ނުވަނިސް، އިޒްރާއިލުން ޣައްޒާގެ ހަނގުރާމަ ހުއްޓައިލައި ޣައްޒާގެ ރައްޔިތުންނަށް ނޭވާލާނެ ވަގުތު ދޭން ވެއްޖެކަމަށެވެ.
“ޣައްޒާގެ ރައްޔިތުނަށް ހަމަޖެހިލާނެ ކުޑަ ވަގުތުކޮޅެއް ދީ، މިފާއިތުވި ދެތިން ހަފްތާގެ ތެރޭގައި އެމީހުން ވަރަށް ގިނަ ކަންކަން ބަރުދާސްތުކޮށްފި” މާޓިން ބުނެފައިވެއެވެ.
މީގެ އިތުރުން އަލްޖަޒީރާ އާއި ވާހަކަދެއްކި ސިޔާސީ ތަޖުރިބާކާރަކު ބުނެފައިވަނީ އިޒްރާއިލުން ޣައްޒާގެ ރައްޔިތުންނާއި ދެކޮޅަށް ބަނޑަށް ޖެއްސުމާއި ކަރަންޓު އުފެއްދުމަށް ބޭނުންކުރާ ވަސީލަތްތައް ހިފެހެއްޓުން ހަތިޔާރަކަށް ހަދައިފައިވާ ކަމަށެވެ.
އިޒްރާއިލުން ވަނީ އިންސާނީ ދިރިއުޅުމަށް ކޮންމެހެން ބޭނުންވާ އަސާސީ ކަންކަން ޣައްޒާއަށް ފުރިހަމަ ނުވާނެހެން ބަންދުކޮށްފައި ކަމަށާއި، ޣައްޒާ އައް ވެއްދަން ގެންނަ ހުރިހާ އެއްޗެއް އިޒްރާއިލުން ދަނީ ކޮންޓްރޯލް ކުރަމުންކަމަށެވެ.
ޑަބްލިޔު އެޗް އޯ އާއި ޔޫއެންގެ ވޯލްޑް ފުޑް ޕްެރޮގްރާމުން ބުނެފައިވަނީ ޣައްޒާގެ މުޅި އާބާދީ އޮތީ އެހީތެރިކަމަށް އިންތިހާއަށް ބޭނުން ޖެހިފައިކަމަށެވެ.
Advertisement
This content is created and paid for by advertisers and does not involve Voice Journalists
