3 ނޮވެންބަރު 17 ވަނަ ދުވަހު ރިޔާސީ އައު ދައުރު ފެށުމާ ގުޅިގެން، ސަރުކާރުގެ އިދާރީ އޮނިގަނޑަށް ގެންނެވި ބަދަލުތަކާއެކު، ސަރުކާރުގެ ވުޒާރާތަކަށް ދިވެހިބަހުން ކިޔާނެ ނަން ހަމަޖައްސަވައިފިއެވެ. 

ދިވެހި ބަހުން ކިޔާނެ ނަންތައް އިއުލާން ކޮށްފައިވަނީ ރައީސް އޮފީހުން ނެރުނު ދެންނެވުމެއްގައެވެ.

މިގޮތުން އަލަށް އުފެއްދެވި ވުޒާރާތަކަށް ކިޔާ ނަންތަކުގެ ތެރޭގައި؛ 

މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީ-- ދާޚިލީ ސަލާމަތާއި ފަންނިއްޔާތާ ބެހޭ ވުޒާރާ

މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓް-- އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާ

މިނިސްޓްރީ އޮފް ދިވެހި ލެންގުއޭޖް ކަލްޗަރ އެންޑް ހެރިޓޭޖް-- ދިވެހިބަހާއި ސަގާފަތާއި ތަރިކައާ ބެހޭ ވުޒާރާ

މިނިސްޓްރީ އޮފް ސިޓީސް ލޯކަލް ގަވަރމަންޓް އެންޑް ޕަބްލިކް ވަރކްސް-- ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވުޒާރާ

ވުޒާރާތަކުގެ މިނިސްޓަރުން އައްޔަން ކޮށްފައިވަނީ އިއްޔެ ރޭ ރައީސް އޮފީހުގައި އެކަމަށް ހާއްކަކޮށް ބޭއްވި ރަސްމިއްޔާތެއްގައެވެ.