ޚާން ޔޫނިސް ގައި ހުންނަ އަލް އަމަލް ހޮސްޕިޓަލުން ކަރަންޓާއި ފެން ކެނޑިފައިވާތާ 6 ދުވަސް ވެފައިވާކަމަށް ފަލަސްޠީނުގެ ރެޑް ކްރޮސެންޓުން ބުނެފިއެވެ.
ފަލަސްޠީނުގެ ރެޑް ކްރެސެންޓާއި ހަވާލާދީ އަލްޖަޒީރާގައި ބުނެފައިވަނީ ޚާން ޔޫނިސްގެ އަލް އަމަލް ހޮސްޕިޓަލުން ދެމުންދާ ޚިދްމަތް ފާއިތުވި 6 ދުވަހު ދީފައިވަނީ ފެނާއި ކަރަންޓާއި ނުލަައި ކަމަށެވެ.
މީގެ އިތުރުންވެސް ޣައްޒާގެ ގިނަ ހޮސްޕިޓަލުތަކެއްގެ ޚިދްމަތް ކޮންމެހެން ބޭނުންވާ ތަކެތި ކަމަށްވާ ފެން، ތެޔޮ، ކާބޯތަކެތި، ކަރަންޓު އަދި ބޭސްފަރުވާގެ ސާމާނު ނެތުމުން މިވަގުތު ހުއްޓިފައިވާ ކަމަށް އަލްޖަޒީރާގައި ބުނެފައިވެއެވެ.
މީގެ އިތުރުން ޣައްޒާގެ ދެކުނުގައި ހުރި ހޮސްޕިޓަލުތައް ފުރިބާރުވެފައި ވާކަމަށާއި، ނަމަވެސް އެހޮސްޕިޓަލް ތަކުން ދަނީ އަލް ޝިފާ ހުސްކުރުމަށް ނެރުނު ބަލިމީހުން އެހޮސްޕިޓަލްތަކުގައި އެޑްމިޓް ކުރަމުންކަމަށެވެ.
އިޒްރާއިލުން ވަނީ ޣައްޒާގައި ހުންނަ އެންމެ ބޮޑު ހޮސްޕިޓަލް ކަމަށްވާ އަލް ޝިފާ ބަލިމީހުން އެޑްމިޓް ކޮށް ފުރިފައިވަނިކޮށް ހުސްކުރުމަށް އަންގައިފައެވެ.
އެހޮސްޕިޓަލުގައި ތިބި ބަލިމީހުންގެ ތެރެއިން އެއްބަޔަކާއި އެހޮސްޕިޓަލުގައި ވަގުތީ ހިޔާވަހިކަން ހޯދަމުން ދިޔަ ބަޔަކުވަނީ އަލްޝިފާ ދޫކޮށް ޣައްޒާގެ ދެކުނަށް ފައިމަގުގައި ދަތުރުކޮށްފައެވެ. ނުރައްކާތެރިކަމުން ފުރިގެންވި މި ދަތުރުގެ ގިނަ ބައިވެރިން ނަކީ އަމިއްލައަށް ނުހިނގޭ ޙާލުގައި ތިބި މީހުންނެވެ.
Advertisement
This content is created and paid for by advertisers and does not involve Voice Journalists
