ނޭޝަނަލް ސެންޓަރ ފޮރ އިންފޮރމޭޝަން ޓެކްނޮލޮޖީ ހިންގަވާ އިސް ބޭފުޅެއްގެ ގޮތުގައި، މިނިސްޓަރ އޮފް ސްޓޭޓް ފޮރ ހޯމް ލޭންޑް ސެކިއުރިޓީ އެންޑް ޓެކްނޯލޮޖީ ކަމަށް، މައްޗަންގޮޅި ބޮޑުދަހަރާގެ ޑޮކްޓަރ މުޙައްމަދު ކިނާނަތު އައްޔަން ކުރައްވައިފިއެވެ.
އެބޭފުޅާ މިމަގާމަށް އައްޔަން ކުރެއްވީ އިއްޔެ ރައީސުލް ޖުމްހޫރިއްޔާގެ އޮފީހުގައި ބޭއްވި ރަސްމިއްޔާތެއްގައެވެ.
މިރަސްމިއްޔާތުގައި ޗީފް އޮފް ސްޓާފް އެޓް ދަ ވައިސް ޕްރެސިޑެންޓްސް ރެޒިޑެންސްގެ މަގާމަށް ތިލަދުންމަތީ އުތުރުބުރީ ވަށަފަރު ބްލޫހައުސް މުހައްމަދު ވަހީދު ހަސަން ވަނީ އައްޔަންކުރައްވާފައި ވާއިރު ކޮންޓްރޯލަރ ޖެނެރަލް އޮފް އިމިގްރޭޝަންގެ މަގާމަށް ގަލޮޅު ލިޓޯނިޔާ މުހައްމަދު ޝަމްއާން ވަހީދު ވަނީ ހަމަޖައްސަވާފައެވެ.
މީގެ އިތުރުން، ދިވެހިރާއްޖޭގެ ގައުމީ ޔުނިވަރސިޓީގެ ޗާންސެލަރުގެ މަގާމަށް މާފަންނު ލައިޓްކޯނަރ-4 ޑޮކްޓަރ މަހްމޫދު ޝައުގީ، ދިވެހިރާއްޖޭގެ ގައުމީ ޔުނިވަރސިޓީގެ ވައިސް ޗާންސެލަރުގެ މަގާމަށް މާފަންނު އެމޭޒަން ޑޮކްޓަރ އާއިޝަތު ޝެހެނާޒު އާދަމް، އަދި ދިވެހިރާއްޖޭގެ އިސްލާމީ ޔުނިވަރސިޓީގެ ވައިސް ޗާންސެލަރުގެ މަގާމަށް މާފަންނު ހިތިމާގޭ ޑޮކްޓަރ އަލީ ޒާހިރު ވަނީ އައްޔަންކުރައްވާފައެވެ.
Advertisement
This content is created and paid for by advertisers and does not involve Voice Journalists
