ދިވެހި ފިލްމު "ނޮވެންބަރ"ގެ ޓިކެޓް، މިހާރު އޮލިމްޕަހުން ނެގެން ހުންނާނެ ކަމަށް ޑާކް ރެއިން އެންޓަޓެއިންމެންޓުން ބުނެފިއެވެ.

ހެނދުނު 10:00 އިން ރޭގަނޑު 10:00 އަށް ތިބޭނެކަމަށް ޑާކް ރެއިން އެންޓަޓެއިންމެންޓްގެ ފަރާތުން މުޙައްމަދު ޢަލީ (މޮގާ) ވިދާޅުވިއެވެ.

ފިލްމުގެ ޓިކެޓް އޮލިމްޕަހަށް ގޮސް ގަނެވޭނެގޮތް ހަމަޖައްސާފައިވާއިރު، އޮންލައިންކޮށްވެސް ޓިކެޓް ނެގޭނެއެވެ.

Advertisement

މި ފިލްމު ގެ ޓިކެޓް އޮންލައިންކޮ ހޯދުމަށް ޓިކެޓް ނަގާ މީހާގެ ނަމާއި  ޓިކެޓް ބޭނުންވާ ތާރީޚް ނުވަތަ ޝޯ އަދި ބޭނުންވާ ޓިކެޓްގެ ޢަދަދުތަކުގެ ތަފްސީލް 9911229 ނަންބަރަށް ވައިބަރ، ވަޓްސްއެޕް ނުވަތަ އެސްއެމްއެސް އަކުން ފޮވުވާލުމަށް ޑާކް ރެއިން އެންޓަޓެއިންމެންޓްގެ ފަރާތުން ވަނީ އެދިފައެވެ. 

"ނޮވެންބަރ" އަކީ އަސަރުގަދަ ލޯބީގެ ފިލްމެއްގެ އިތުރުން މުޖުތަމަޢުގައި ހިނގަމުން އަންނަ މުހިންމު ދެ ކަމަކަށް ވަކީން ޚާއްޞަކޮށް އަލިއަޅުވާލާފައިވާ ފިލްމެކެވެ. މީގެ އިތުރުން އަންހެނުން ބާރުވެރިކުރުވުމަކީ ވެސް މި ފިލްމުގެ މައިގަނޑު ވާހަކަ ބިނާކުރުމުގައި ވިސްނުން ބަހައްޓާފައިވާ ކަމެކެވެ.

ޢާއިޝަތު ފުއާދު ތަޢުފީޤް (ލޯކީ) އަދި ޢަހްމަދު ޠަލާލް ލިޔެ، ޢަލީ ޝިފާޢު (ޗިއްޕެ) ޑައިރެކްޓްކޮށްފައިވާ މި ފިލްމުގެ ކޯ-ޑައިރެކްޓަރަކީ ވެސް ލޯކީ ކަން ފާހަގަކޮށްލެވެއެވެ. 

ފިލްމު "ނޮވެންބަރ"އަކީ ރާއްޖޭގެ މަޝްހޫރު ބަޠަލް އިސްމާޢީލް ވަޖީހް ދިވެހި ފިލްމަކުން ނުފެންނަތާ އެތައް ދުވަހެއް ފަހުން، ފެނިގެންދާނެ ފިލްމެކެވެ. މީގެ އިތުރުން އިސްމާޢީލް ވަޖީހްގެ ދަރިފުޅު ތަރީޝް އިސްމާޢީލްގެ އަލަތު ފިލްމަށް މި ފިލްމު ވާނެއެވެ.މަރިޔަމް މަޖުދާ އަދި ޖުމައްޔިލް ނިމާލް، މި ފިލްމުގެ ލީޑުން ފެނިގެންދާއިރު، ވަރަށް ގިނަ މަޝްހޫރު ފަރާތްތަކެއްވެސް މި ފިލްމުން ފެނިގެންދާނެއެވެ.