ޕީސީބީ އަށް ބޭނުންވާ ކުށުގެ ރިކޯޑު 10 މިނެޓް ތެރޭގައި، ޕްރޮަސެކިއުޓަރު ޖެނެރަލް އޮފީހުގެ އޮންލައިން ޕޯޓަލް ބޭނުންކޮށްގެން ބެލޭނެ އިންތިޒާމު ހަމަޖައްސައިފިއެވެ.

މިކަމާއި ގުޅޭގޮތުން ޕީޖީން އޮފީހުން ކުރި ޓްވީޓެއްގައި ބުނެފައިވަނީ ޕީސީބީ އަށް ބޭނުންވާ ކުށުގެ ރިކޯޑު  އޮންލައިން ޕޯޓަލް ބޭނުންކޮށްގެން 10 މިނިޓް ތެރޭގައި ބެލޭނެ އިންތިޒާމު ހަމަޖައްސައިދީފައިވަނީ ޕީޖީ އަލްއުސްތާޛު ހުސައިން ޝަމީމް ކަމަށެވެ.

މިއީ އެކި ބޭނުންތަކަށް، ކުށުގެ ރެކޯޑް ސާފު ކޮށްދިނުމުގެ ހިދުމަތް ހޯދުމަށް ޕްރޮސެކިއުޓާ ޖެނެރަލްގެ އޮފީހަށް ހުށައަޅާ ހުށައެޅުންތަކަށް، އަވަސް، ހަރުދަނާ އަދި އިތުބާރު ހުރި ގޮތަކަށް ޖަވާބު ދިނުމަށް ޓަކައި ޕީޖީ އޮފީހުން އަމަލުކުރުމަށް ހަމަޖެހިފައިވާ ގޮތެކެވެ.

Advertisement

ކުށުގެ ރެކޯޑު ސާފުކޮށްދިނުމަށް އެދި، ޕީޖީ އޮފީހުގެ އޮންލައިން ޕޯޓަލް އަށް، އީފާސް މެދުވެރިކޮށް ލޮގްއިން ކުރުމަށްފަހު، މެނޫއިން ކުށުގެ ރެކޯޑު ސާފުކުރުމުގައި ބައި ނަގައި، ފޮނުވައިފިނަމަ، ރެކޯޑު ސާފުކުރުމަށްފަހު، އެ ޕޯޓަލުން ޖަވާބު ޑައުންލޯޑް ކުރެވޭ ގޮތަށް ހަމަޖައްސައިދޭނެ ކަމަށާއި މިޚިދުމަތް، އީފާސް މޯބައިލް އެޕުންވެސް ލިބޭނެ ކަމަށް ޕީޖީ އޮފީހުން މައުލޫމާތުދެއެވެ.