ފަލަސްޠީނުގެ ޣައްޒާގައި ހުންނަ އަލް އަޤްސާ މަރޓިއާ ހޮސްޕިޓަލަށް އިންޓަރ ނޭޝަނަލް އެއިޑްސް ކެމްޕޭނުން ދިވެހިންގެ އެހީއާއި އެކު ތަކެތި ފޯރުކޮށްދީފިއެވެ.
އައިއޭސީ އިން ބުނެފައިވަނީ އަޤްޞާ މާރޓިއާ ހޮސްޕިޓަލަކީ މިވަގުތު ޣައްޒާގައި ހިންގަމުންދާ މަދު ހޮސްޕިޓަލް ތަކުގެ ތެރެއިން އެއް ހޮސްޕިޓަލު ކަމަށެވެ.
“ޒަޚަމްވާ އެތަކެއް ރައްޔިތުންނަަކަށް ފަރުވާ ދިނުމަށް މި ހޮސްޕިޓަލަށް ގެނެވޭ، މިހާރުވެސް ގާތްގަނޑަކަށް ބައި މިލިއަން މީހުން ހޮސްޕިޓަލްގައި އެބަތިބި، ބޭހާއި ސިއްހީ އެކި އެކި އާލަތްތަކަށް ބޭނުންޖެހިފައިވާ މި ދަނޑިވަޅުގައި އަޅުގަނޑުމެން މިވަނީ ތިޔަބޭފުޅުންގެ އެހީގައި މި ހޮސްޕިޓަލަށްވެސް ތަކެތި ފޯރކޮށްދީފައި” އައިއޭސީއިން ބުނެފައިވެއެވެ.
އެ ތަކެތީގެ ސަބަބުން ހޮސްޕިޓަލްގެ މަސައްކަތަށް ފަސޭހަތަކެއް ލިބިގެންދާނެ ކަމަށް އައިއޭސީ އިން ބުނެފައިވެއެވެ.
އައިއޭސީ އިން ދިވެހިންގެ އެހީގެ ގޮތުގަައި ފޯރުކޮށްދީފައިވަނީ ބޭސްވެރިކަމަށް ބޭނުންވާ ސާމާނެވެ.
Advertisement
This content is created and paid for by advertisers and does not involve Voice Journalists
