ހުސްވެފައިވާ މާލޭ މޭޔަރު ކަމުގެ މަޤާމަށް ޑިމޮކްރެޓްސްގެ މެމްބަރު މުޙައްމަދު ސައިފް ފާތިޙް ވާދަ ކުރައްވާނެ ކަަން އިއުލާނު ކޮށްފިއެވެ.
ސައިފް މާލެ މޭޔަރު ކަމަށް ވަދަކުރައްވާނީ އޭނާ ނިސްބަތްވާ ޕާޓީ ދަ ޑިމޮކްރެޓްސްގެ ކެންޑިޑޭޓެއްގެ ގޮތުގައެވެ. ސައިފް އަކީ މާލޭ ސިޓީ ކައުންސިލްގައި ގަލޮޅު އުތުރުގެ ރައްޔިތުން ތަމްސީލް ކުރައްވާ ކައުންސިލަރެވެ.
ދަ ޑިމޮކްރެޓްސް އިން ބުނެފައިވަނީ މާލެ ސިޓީ މޭޔަރު އިންތިޚާބު ކުރުމަށް ބާއްވާ ބައި-އިލެކްޝަންގެ ޕްރައިމަރީއަށް ކުރިމަތިލުމަށް ނޮވެމްބަރ 5، 2023 ދުވަހު އެޕާޓީ އިން އިއުލާނުކޮށްފައިވާ މުއްދަތުގައި އެމަގާމަށް ވާދަކުރުމަށް ހުށަހަޅާފައިވަނީ ހަމައެކަނި މުޙައްމަދު ސައިފް ފާތިހް އެކަނި ކަމަށެވެ.
އަދި އެ ޕާޓީގެ އަސާސީ ގަވާއިދާ އެއްގޮތްވާ ގޮތުގެމަތީން މާލޭ ސިޓީ މޭޔަރު އިންތިހާބުކުރުމަށް ބޭއްވުމަށް ހަމަޖެހިފައިވާ ލޯކަލް ކައުންސިލްގެ ބައި-އިލެކްޝަނަށް ދަ ޑިމޮކްރެޓްސްގެ ފަރާތުން ވާދަކުރާނީ މުޙައްމަދު ސައިފް ފާތިހް (އައިކޮ) ކަމުގައި ކަނޑައަޅައި ފިކަމަށެވެ.
މާލޭ މޭޔަރު ކަމުގެ މަޤާމު ހުސްވެފައި މިވަނީ މާލޭ މޭޔަރަކަށް ހުންނެވި ޑރ މުޙައްމަދު މުޢިއްޒު ރާއްޖޭގެ ރައީސުލް ޖުމްހޫރިއްޔާ ކަމުގެ މަޤާމަށް އިންތިޚާބުވެ ވަޑައިގެެން އެމަނިކުފާނު އެމަޤާމާއި ހަވާލުވުމުން ނެވެ.
Advertisement
This content is created and paid for by advertisers and does not involve Voice Journalists
