މިނިސްޓަރ އޮފް ސްޓޭޓް ފޮރ ސްޕޯޓްސް، ފިޓްނަސް އެންޑް ރެކްރިއޭޝަންގެ މަގާމަށް އިބްރާހީމް ޢާމިރު އައްޔަނު ކުރައްވައިފިއެވެ.
އެބޭފުޅާ މި މަގާމަށް އައްޔަން ކުރެއްވީ މިއަދު ރައީސް އޮފީހުގައި ސަރުކާރު ގެ އިސްމަގާމު ތަކަށް ބޭފުޅުން އައްޔަން ކުރެއްވުމަށް ބޭއްވުނު ހާއްސަ ރަސްމިއްޔާތުގައެވެ.
މިއަދު ސަރުކާރުގެ އިސް މަގާމު ތަކަށް ރައީސުލް ޖުމްހޫރިއްޔާ ކަނޑައަޅުއްވައިފައިވާ ބޭފުޅުންގެ ތެރޭގައި މިނިސްޓަރ ފެންވަރުގައި ރައީސުލްޖުމްހޫރިއްޔާގެ އޮފީހުގެ ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީގެ މަގާމަށް، ނާޡިމް އިބްރާހީމް އައްޔަނު ކުރައްވާފައިވާއިރު ކޮމިޝަނަރ ޖެނެރަލް އޮފް ކަސްޓަމްސްގެ މަގާމަށް ޔޫސުފް މާނިޢު މުޙައްމަދު ހަމަޖައްސަވާފައެވެ.
މީގެ އިތުރުންވެސް މިއަދު ބޭއްވި ރަސްމިއްޔާތުގައި ހަތަރު ބޭފުޅަކު ސްޓޭޓް މިނިސްޓަރުންގެ ފެންވަރުގައި ޢައްޔަނުކުރައްވާފައެވެ. އެބޭފުޅުންނަކީ މިނިސްޓަރ އޮފް ސްޓޭޓް ފޮރ ފޮރިން އެފެއާޒް، މުޙައްމަދު ފަހުމީ ޙަސަން އާއި ރައީސުލްޖުމްހޫރިއްޔާގެ ރަސްމީގޭގެ ސްޓޭޓް މިނިސްޓަރ ކަމަށް އަލްއުސްތާޛާ ފާޠިމަތު ޝަމްނާޒް ޢަލީ ސަލީމް އަދި ކޮމިޝަނަރ އޮފް ޕްރިޒަންސް ގެ މަގާމަށް ޙަސަން ޒަރީރު އެވެ.
Advertisement
This content is created and paid for by advertisers and does not involve Voice Journalists
