ސަރުކާރުގެ ހުރިހާ އޮފީސްތައް ގުޅިގެން އެއް ޓީމެއްގެ ގޮތުގައި މަސައްކަތް ކުރަންވީ ރައްޔިތުންނަށް ޚިދުމަތް ފޯރު ކޮށްދީ ބޭނުންވާ ނަތީޖާ ނެރުމަށް ކަމަށް ރައީސުލް ޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
މިފަދައިން ރައީސް ވިދާޅުވެފައި މިވަނީ މިއަދު ރައީސް އޮފީހުގެ މުއްޒަފުންނާއި ބައްދަލު ކުރައްވަމުން ދެއްކެވި ވާހަކަފުޅު ގައެވެ.
މިވާހަކަފުޅުގައި ރައީސް ވަނީ ރައީސުލްޖުމްހޫރިއްޔާގެ އޮފީހަކީ މުޅި ސަރުކާރު ހިންގުމުގައި އެންމެ އިސް ދައުރެއް އަދާކުރާ އޮފީސްކަން ފާހަގަ ކުރައްވާފައެވެ. އަދި އެ އޮފީހަކީ ސަރުކާރުގެ ހުރިހާ ވުޒާރާތަކާއި މުއައްސަސާތަކަށް ދޭންޖެހޭ އިރުޝާދު ތައް ދިނުމާއި، ބަލަހައްޓަން ޖެހޭ އެހެނިހެން ކަންތައްތައްވެސް ޒިންމާދާރު ކަމާއެކު ބަލަހައްޓާ އޮފީސް ކަމަށެވެ.
އެހެންކަމުން އެ އޮފީހުގައި މަސައްކަތް ކުރާ ހުރިހާ މުއައްޒަފުންވެސް އޮފީސް ހިންގުމުގައި ސަރުކާރުގެ ވުޒާރާތަކާއި އެހެން އޮފީސް ތަކަށް ވެސް ރީތި މިސާލެއްގެ ގޮތުގައި ހިންގުމަށް ރައީސް ވަނީ ހުރިހާ މުއައްޒަފުންނަށް އިލްތިމާސް ކުރައްވާފައެވެ.
Advertisement
This content is created and paid for by advertisers and does not involve Voice Journalists
