މިނިސްޓަރ އޮފް ފިޝަރީޒް އެންޑް އޯޝަން ރިސޯސަސް އަޙުމަދު ޝިޔާމް މިފްކޯގެ އިސްވެރިންނާއި ބައްދަލުކުރައްވައިފިއެވެ.
މި ބައްދަލުވުމުގައި ވަޒީރު ވަނީ މިފްކޯގެ މަސައްކަތްތަކާއި ގުޅޭ ތަފްސީލްތައް އޮޅުންފިލުއްވައި، މިފްކޯއިން ކުރިއަށްގެންދާ މަޝްރޫޢުތަކުގެ އެންމެ ފަހުގެ މައުލޫމާތުތައް ސާފުކުރައްވާފައެވެ.
އަދި ޓްރާންސްފޯމް ޕްރެޖެކްޓް ކުރިއަށް ދާ ގޮތުގެ މައުލޫމާތުވެސް މިނިސްޓަރ އޮޅުންފިލުވާފައިވެއެވެ. އެބޭފުޅާ ވިދާޅުވީ ޓްރާންސްފޯމް ޕްރޮޖެޓުން އެންމެ ބޮޑު މަންފާއެއް ލިބެންވާނީ މަސްވެރިންނަށް ކަމަށެވެ.
އަދި މަސްވެރިކަމުގެ ސިނާއަތަށް މި ޕްރޮޖެކްޓުން ކުރާ ފައިދާ އަވަހަށް ލިބޭނެ ގޮތަކަށް ކުރިއަށްގެންދިޔުން މުހިންމު ކަމަށް ވަނީ މިނިސްޓަރ ވިދާޅުވެފައެވެ. މީގެ އިތުރުންވެސް މަސްވެރި އާއިލާތަަކަށް މިސިނާއަތުން ކުރާ މަންފާ އެންމެ ފުރިހަމައަށް ލިބޭނެ ގޮތަކަށް މަސައްކަތްތައް ކުރިއަށްގެންދަން ޖެހޭކަމަށް ވަޒީރު ޝިޔާމް ވިދާޅުވިއެވެ.
މަސައްކަތްތެރިކަމުގެ ސިނާއަތަށް އިންގިލާބީ ބޮޑެތި ބަދަލުތަކެއް ގެނައުމަކީ ރައީސް ޑރ.މުއިއްޒުގެ ސިޔާސީ ވައުދުތަކުގެ ތެރެއިން ވައުދެކެވެ. މިގޮތުން ވެރިކަމާއި ހަވާލު ވުމަށް ފަހު ވަނީ މަސްވެރިކަމާއި ދަނޑުވެރިކަމަށް ވަކި ދެ މިނިސްޓްރީއެއް އުފައްދާފައެވެ.
Advertisement
This content is created and paid for by advertisers and does not involve Voice Journalists
