ހއ. އަތޮޅުން ނ.އަތޮޅަށް ރީނދޫ ސަމާލު ނެރެފިއެވެ.

މެޓް އޮފީހުން ނެރެފައިވާ ރީނދޫ ސަމާލުގައި ބުނެފައިވަނީ ހއ. އަތޮޅުން ނ.އަތޮޅަށް މިއަދުގެ ހެނދުނު 9:05 ކުން 12:00 އާއި ހަމައަށް ބޯކޮށް ވާރޭވެހި ގުގުރާނެ ކަމަށް ލަފާ ކުރެވޭ ކަމަށެވެ.

ހއ.ން ނ. އަތޮޅަށް ނެރުނު ރީނދޫ ސަމާލު ނެރުމުގެ ކުރިން ހއ.އަތޮޅުން ކ.އަތޮޅާއި ހަމައަށް ހުދު ސަމާލެއްވެސް ވަނީ ނެރެފައެވެ.

އެ ހުދު ސަމާލުގައި ބުނެފައިވަނީ ހެނދުނު 8:30 ން 14:30 އަށް ބޯކޮށް ވާރޭ ވެހި ގުގުރާނެ ކަމަށް ލަފާކުރެވޭ ކަމަށެވެ.

މޫސުމަށް އަންނަ މިފަދަ ބަދަލުތަކާއި ގުޅިގެން އާންމުން ރައްކާތެރި ވުމަށް އަބަދުވެސް ކަމާއި ބެހޭ އިދާރާތަކުން އިރުޝާދުދެއެވެ.