ސްޕެޝަލް އެންވޯއީ ފޮރ ކްލައިމެޓް ޗޭންޖްގެ މަގާމަށް މއ. ނައިލޯނުގެ، ޢަލީ ޝަރީފް ޢައްޔަނުކުރައްވައިފިއެވެ.

އެބޭފުޅާ މި މަގާމަށް އައްޔަނުކޮށްފައި  މިވަނީ މިއަދު ރައީސުލް ޖުމްހޫރިއްޔާގެ އޮފީހުގައި ބޭއްވި ހާއްސަ ރަސްމިއްޔާތެއްގައެވެ.

މި ރަސްމިއްޔާތުގައި  ސްޕެޝަލް އެންވޯއީ ފޮރ ކްލައިމެޓް ޗޭންޖްގެ މަގާމުގެ އިތުރުންވެސް ސަރުކާރުގެ އެހެން އިސްމަގާމުތަކަށް ވެސް ބޭފުޅުން އައްޔަނު ކޮށްފައިވެއެވެ. މިއަދު މަގާމުގެ ފަތްކޮޅު އެރުވި ބޭފުޅުންގެ ތެރޭގައި މިނިސްޓަރ އޮފް ސްޓޭޓް ފޮރ ހޯމްލޭންޑް ސެކިއުރިޓީ އެންޑް ޓެކްނޯލޮޖީ ގެ މަގާމަށް ހ. ނީވްވިލާ، އަލްއުސްތާޛާ ލުބްނާ މުޙައްމަދު ޒާހިރު،މިނިސްޓަރ އޮފް ސްޓޭޓް ފޮރ އިކޮނޮމިކް ޑިވެލޮޕްމަންޓް އެންޑް ޓްރޭޑް ގެ މަގާމަށް ޏ. ފުވައްމުލައް ދަނޑިމަގު. ނެރުޅު، މުޙައްމަދު ޠާރިޤް އަޙްމަދު، މިނިސްޓަރ އޮފް ސްޓޭޓް ފޮރ ފިޝަރީޒް އެންޑް އޯޝަން ރިސޯސަސް  ގެ މަގާމަށް ގދ. މަޑަވެލި، ކިނާރާ، ޑޮކްޓަރ ޢަމްޒަތު އަޙްމަދު، މިނިސްޓަރ އޮފް ސްޓޭޓް ފޮރ ސްޕޯޓްސް، ފިޓްނަސް އެންޑް ރެކްރިއޭޝަން  ގެ މަގާމަށް ހ. ނޫމުތީ، ޢަބްދުއްރައްޒާޤު އިބްރާހީމް ހިމެނިވަޑައިގަންނަވައެވެ.

Advertisement

މީގެ އިތުރުން، މިނިސްޓަރ އޮފް ސްޓޭޓް ފޮރ ދިވެހި ލެންގުއޭޖް، ކަލްޗަރ އެންޑް ހެރިޓޭޖް  ގެ މަގާމަށް ސ. މަރަދޫފޭދޫ ބްލޫހެވަން، މުޙައްމަދު ޝަހުރުއްޛިޔާދު، މިނިސްޓަރ އޮފް ސްޓޭޓް ފޮރ ހަޔަރ އެޑިއުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް  ގެ މަގާމަށް މ. ޒޭވަރު، މަރްޔަމް ފިޒާނާ ރަޝީދު މިނިސްޓަރ އޮފް ސްޓޭޓް ފޮރ ހަޔަރ އެޑިއުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް ގެ މަގާމަށް ތ. ހިރިލަންދޫ، ލިލީގެ، ޑޮކްޓަރ ޢަބްދުއްރަޙީމް ޙަސަން، މިނިސްޓަރ އޮފް ސްޓޭޓް ފޮރ ހަޔަރ އެޑިއުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް  ގެ މަގާމަށް ގ. ގްރީންބީންސް، ފާޠިމަތު މުޙައްމަދު، މިނިސްޓަރ އޮފް ސްޓޭޓް ފޮރ ހަޔަރ އެޑިއުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް  ގެ މަގާމަށް ހއ. އިހަވަންދޫ، ވައިޖެހޭގެ، އަޙްމަދު ޝަފީޢު، މިނިސްޓަރ އޮފް ސްޓޭޓް ފޮރ ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް ގެ މަގާމަށް ހ. ކިސްތީ، އަޙްމަދު މުނާޒު، މިނިސްޓަރ އޮފް ސްޓޭޓް ފޮރ ސިޓީސް، ލޯކަލް ގަވަރންމަންޓް އެންޑް ޕަބްލިކް ވަރކްސް  ގެ މަގާމަށް ހ. ނޫމުތީ، މުޙައްމަދު އިބްރާހީމް އަށް ވަނީ މިއަދު މަގާމް ހަވާލުކޮށްދެއްވާފައެވެ.

ރައީސް ޑރ.މުއިއްޒު ގެންދަވަނީ ސަރުކާރު ހިންގެވުމަށް ބޭނުންފުޅުވާ މަގާމުތަކަށް ބޭފުޅުން އައްޔަނުކުރައްވަމުންނެވެ.