އަންނަ ޑިސެމްބަރު މަހުގެ 16 ވަނަ ދުވަހު ބައެއް ލޯކަލް ކައުންސިލްތަކަށް މެންބަރުން އިންތިޚާބުކުރަން ބޭއްވުމަށް ހަމަޖެހިފައިވާ ބައި އިލެކްޝަންތަކުގައި މަންދޫބުންނާއި އޮބްޒާވަރުންނާއި މޮނިޓަރުކަން ކުރުމަށް އެދޭ ފަރާތްތަކަށް ބައިވެރިވުމުގެ ފުރުސަތު ހުޅުވާލައިފިއެވެ.

އިލެކްޝަންސް ކޮމިޝަން އިން މިއަދު ބުނީ ބުނީ ވޯޓު ނެގުން އޮންނަ ދުވަހު ވޯޓު ނެގުމާއި, ވޯޓު ގުނުމުގެ ކަންތައްތައް މޮނިޓަރ ކުރުމަށާއި އޮބްޒާވް ކުރުމަށާއި މަންދޫބުންނަށްވުމަށް ޝައުޤުވެރިވާ ފަރާތްތަކަށް މި މަހުގެ 26 ގެ ނިޔަލަށް ބައިވެރިވުމުގެ ފުރުސަތު ހުޅުވާލައިފައިވާ ކަމަށެވެ.

މި އަންނަ މަހު ބޭއްވުމަށް ހަމަޖެހިފައިވަނީ ހއ.ކެލާ, ނ.މާފަރު, އދ.ހަންޏާމީދޫ ކައުންސިލް މެންބަރު އަދި ނ.މާފަރު އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ބައި-އިލެކްޝަނެވެ.

ހަންޏާމީދޫ ކައުންސިލް މެންބަރު އިންތިޚާބު ކުރުމަށް ބާއްވާ ބައި-އިލެކްޝަންގައި ވާދަކުރައްވަނީ؛

1: މުޙައްމަދު ވަޙީދު. ފިނިހިޔާ/އދ. ހަންޏާމީދޫ, (ޕްރޮގްރެސިވް ޕާޓީ އޮފް މޯލްޑިވްސް)

2: މުޙައްމަދު ޔާސިރު. ބުލޫސްޓަރ/އދ. ހަންޏާމީދޫ (އަމިއްލަގޮތުން)

ކެލާ ކައުންސިލްގެ އަންހެން މެންބަރު އިންތިޚާބު ކުރުމަށް ބާއްވާ ބައި-އިލެކްޝަންގައި ވާދަކުރައްވަނީ؛

1: ޚަދީޖާ މައުރިފާ. ހެޕީ/ހއ. ކެލާ, (ޕްރޮގްރެސިވް ޕާޓީ އޮފް މޯލްޑިވްސް)

2: ޙައްވާ ސުދާ. އަރާއިރު/ހއ.ކެލާ, (ދިވެހިރައްޔިތުންގެ ޑިމޮކްރެޓިކް ޕާޓީ)

މާފަރު ކައުންސިލް މެންބަރު އިންތިޚާބު ކުރުމަށް ބާއްވާ ބައި-އިލެކްޝަންގައި ވާދަކުރައްވަނީ؛

1: މުޙައްމަދު އަބޫބަކުރު. ފަޅޯމާގެ/ނ. މާފަރު (ޕްރޮގްރެސިވް ޕާޓީ އޮފް މޯލްޑިވްސް)

2: މުސްލިމް މުޙައްމަދު. ދޮންކެ/ނ. މާފަރު (މޯލްޑިވްސް ޑިވެލޮޕްމެންޓް އެލަޔަންސް)

މާފަރުއަންހެނުންގެ ތަރައްގީއަށް މަސައްކަތްކުރާ ކޮމިޓީ:

1: މަރްޔަމް ޝާޠިރާ. އައްސޭރި/ނ.މާފަރު (ޕްރޮގްރެސިވް ޕާޓީ އޮފް މޯލްޑިވްސް)

2: އަސްރާރު ޙަސަން. އިރުޝާދުވިލާ, ނ.މާފަރު (ދިވެހިރައްޔިތުންގެ ޑިމޮކްރެޓިކް ޕާޓީ)