ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، "ގްރޭޓަރ މާލެ ކަނެކްޓިވިޓީ – މާލެ ޓު ތިލަފުށި ލިންކް ޕްރޮޖެކްޓް"ގެ މަސައްކަތްތައް ކުރިއަށްދާ ސައިޓްތަކަށް ޒިޔާރަތްކުރައްވައިފިއެވެ.

މިޒިޔާރަތުގައި މި މަޝްރޫއުގެ އެންމެ ފަހުގެ މައުލޫމާތުތައް ވަނީ އެމަނިކުފާނު އޮޅުންފިލުއްވާފައެވެ.

މި މަސައްކަތްތައް ކުރިއަށް ދާގޮތް ބައްލަވާލެއްވުމަށްޓަކައި ރައީސް ގެ އަރިހުގައި ނައިބު ރައީސް އަލްއުސްތާޒް ޙުސައިން މުޙައްމަދު ލަޠީފު ވެސް ބައިވެރިވެ ވަޑައިގެންނެވިއެވެ.

Advertisement

ރައީސުލްޖުމްހޫރިއްޔާ ފުރަތަމަ ވަޑައިގެންނެވީ ބްރިޖުގެ މަސައްކަތް މާލޭގައި ކުރިއަށްދާ ގޮތް ބައްލަވާލެއްވުމަށްޓަކައި މާލޭގެ ޕްރޮޖެކްޓް ސައިޓަށެވެ.

ރޭމްޕް ސަރަޙައްދުގައި މަސައްކަތް ކުރިއަށްދާގޮތް ބައްލަވާލެއްވުމަށްފަހު އެމަނިކުފާނު ވަނީ، މާލެއާއި ވިލިނގިއްޔާ ދެމެދު ސަރަޙައްދުގެ މަސައްކަތްތައް ހިންގަމުން ދާގޮތްވެސް ބައްލަވާލައްވާފައެވެ.

އޭގެފަހުން ގުޅީފަޅުގެ ޕްރޮޖެކްޓް ސައިޓަށް ވަޑައިގެން އެތަނުގައި ކުރިއަށްގެންދާ ޕްރީކާސްޓިންގެ މަސައްކަތްތަކާއި ބްރިޖުގެ އެކި މަސައްކަތްތައް ކުރިއަށްގެންދާ ގޮތާ ބެހޭގޮތުންވެސް އެމަނިކުފާނު އޮޅުންފިލުއްވިއެވެ.

ރައީސް ވަނީ  'ހަފްތާ 14' ގައި ކުރަން ކަނޑައަޅާފައިވާ ކަންކަމުގެ ތެރޭގައިވެސް ތިލަމާލެ ބްރިޖު މަޝްރޫޢުގެ ޙާލަތު ދެނެގަތުމަށް ކުރަންޖެހޭ މަސައްކަތްކުރުން ވަނީ ހިމަނާފައެވެ. އަދި ރައީށް އޮފީހުން ވެސް ވިދާޅުވެފައި ވަނީ ތިލަމާލެ ބރިޖް ގެ މަސައްކަތް އަވަސް ކުރުމަށް އޮޅުންފިލުވަންޖެހޭ ކަންކަން އޮޅުން ފިލުވުމަށް ފަހު ކުރަމުން ދާނެކަމަށެވެ.

ތިލަމާޅް ބްރިޖަކީ ކުރީ ސަރުކާރުން ފެށި އެންމެ ބޮޑު އެއް މަޝްރޫއުއެވެ. ނަމަވެސް މިހާތަނަށް ބްރިޖްގެ ނިމިފައިވަނީ 27 އިންސައްތަ ކަމަށް ރައީސް އޮފީހުން ވަނީ ހާމަ ކޮށްފައެވެ.