މަސްވެރިންގެ ދުވަސް ފާހަގަ ކުރުމަށް ބާއްވާ ހަރަކާތް ތައް މާލޭގައި ބޭއްވުމަށް ރައީސް ޑރ މުޙައްމަދު މުޢިއްޒު ނިންމަވައިފިއެވެ.

މިއަހަރު ރާއްޖޭގައި ފާހަގަ ކުރުމަށް ހަމަޖެހިފައިވަނީ 43 ވަނަ މަސްވެރިންގެ ދުވަހެވެ. މަސްވެރިކަމާއި ކަނޑުތަކާއި ބެހޭ މިނިސްޓްރީ އިން ބުނެފައިވަނީ މި އަހަރުވެސް މަސްވެރިންގެ ދުވަހާ ގުޅިގެން ތަފާތު ޙަރަކާތްތައް މިނިސްޓްރީން ދަނީ ރާވަމުން ކަމަށެވެ.

މިއަހަރުގެ މަސްވެރިންގެ ދުވަސް ފާހަގަ ކުރުމަށް ބާއްވާ ހަރަކާތް ތަކުގެ ތެރޭގައި ކެޔޮޅުންގެ އެވޯޑްވެސް ހިމެނެއެވެ.

މިމަހުގެ 21 ވަނަ ދުވަހު ވަނީ މި އެވޯޑަށް ކުރިމަތިލިމުގެ ފުރުސަތު ވަނީ ހުޅުވައިލައިފައެވެ. އެގޮތުން މިހާރުވެސް މަސްވެރިކަމުގައި ޢަމަލީގޮތުން އުޅޭ، އަދި މަސްވެރިކަން ފިޔަވައި، އާމްދަނީ ހޯދުމަށް އެހެން މަސައްކަތެއް ނުކުރާ، އެންމެ ޚިދުމަތްތެރި ޒުވާން (35 އަހަރުން ދަށް) ކެޔޮޅަކާއި އެންމެ ތަޖުރިބާކާރު (35 އަހަރުން މަތި) ކެޔޮޅު ހޮވައި، އެ ދެފަރާތުގެ އަގު ވަޒަން ކުރުމުގެ ގޮތުން އެވޯޑެއް ދޭގޮތަށް ވަނީ ހަމަޖެހިފައެވެ.