ރާއްޖެއަށް ދިމާވެފައިވާ ގޮންޖެހުންތައް ހައްލުކުރެއްވުމުގެ ހިތްވަރު ރައީސް ޑރ މުޙައްމަދު މުޢިއްޒުގެ އެބަހުރިކަމަށް މިސަރުކާރުގެ އިކޮނޮމިކް މިނިސްޓަރ މުޙައްމަދު ސަޢީދު ވިދާޅުވެއްޖެއެވެ.
ސައީދު މިހެން ވިދާޅުވެފައިވަނީ އޭނާ ކުރެއްވެވި ޓްވީޓެއްގައެވެ.
ސަޢީދު ވިދަޅުވެފައިވަނީ ﷲގެ ވާގިފުޅާއި އެކު ރައީސުލްޖުމްހޫރިއްޔާ ޑރ މުޙައްމަދު މުޢިއްޒުގެ ސަރުކާރު ދާނީ ކުރިއަށް ކަމަށާއި، ރާއްޖެއަށް ދިވާވެފައިވާ މައްސަލަތަކަށް ބިނާ ކުރުވަނިވި ހައްލު ހޯދުމުގެ ހިތްވަރު ރައީސް ޑރ މުއިއްޒުގެ އެބަހުރި ކަމަށެވެ.
“އެތައް ގޮންޖެހުމެއްގެ ތެރެއިން ޕީޕީއެމް/ޕީއެންސީ މިހާހިސާބަށް ގެނެސްދެއްވުމުގައި ޢަބްދުއްރަޙީމްގެ ލީޑަރޝިޕް ފާހަގަ ކުރަން”
ސަޢީދު ވިދާޅުވެފައިވެއެވެ.
ޕީޕީއެމް/ޕީއެންސީގެ ތެރޭގައި އުފެދުނު ޚިޔާލުތަފާތުވުންތައް ހޫނުވެ ޕީޕީއެމް ގެ ކުރީގެ ރައީސް އަދި ރާއްޖޭގެ ކުރީގެ ރައީސް ޢަބްދުﷲ ޔާމިން ވަނީ ޕީޕީއެމް ދޫކުރައްވައި ދުރަށް ޖެހިވަޑައިގެންފައެވެ.
އަދި އެމަނިކުފާނު މިހާރު ދަނީ އައު ސިޔާސީ ޕާޓީއެއް އުފެއްދުމުގެ މަސައްކަތް ކުރައްވަންމުން ނެވެ.
ރައީސް ޔާމިން ޕީޕީއެމް ވަކިވެވަޑައިގެން އައު ޕާޓީއެއް އުފެއްދެވުމުގެ މަސައްކަތް ކުރައްވަމުން ދާއިރު ޕީޕީއެމް/ޕީއެންސީ ކޯލިޝަންގެ ގިނަ އިސްބޭފުޅުންތަކެއް ދަނީ ރައީސް ޑރ މުޢިއްޒާއި އެކު ތިއްބެވިކަން ހާމަކުރައްވަމުންނެވެ.
Advertisement
This content is created and paid for by advertisers and does not involve Voice Journalists
