ޕީޕަލްސް ނޭޝަނަލް ފްރޮންޓް(ޕީއެން ފްރޮންޓް)ގެ ނަމުގައި ކުރީގެ ރައީސް ޔާމީން އަބްދުލް ގައްޔޫމް އިސްވެ ހުންނަވައި ސިޔާސީ ޕާޓީއެއް އުފައްދަވަންނިންމައި ލޯގޯއާއި ސޯޝަލް މީޑިއާ އެކައުންޓުތައް ހާމަކޮށްފިއެވެ.

ޕާޓީގެ ލޯގޯ އިއްޔެގެ ހެނދުނުގެ ވަގުތެއްގައި ފައިނަލް ކޮށްފައިވާއިރު މާދަމާ ރައީސް ޔާމީން ގެ އައު ޕާޓީ ރަޖިސްޓަރ ކުރުމަށް އިލެކްޝަނަސް ކޮމިޝަނަަށް ހުށައެޅުމަށްވެސް ވަނީ ނިންމަވާފައެވެ. 

ރައީސް ޔާމީން މި ޕާޓީ އުފެއްދެވީ ޕީޕީއެމްގެ ރައީސް ގެ މަގާމުން އިސްތިއުފާ ދެއްވައި, އެ ޕާޓީން ވަކިވެ ވަޑައިގެންނެވުމަށް ފަހުއެވެ.

Advertisement

https://x.com/pnfront/status/1728453491964907711?s=46&t=Tj-_47fWMsad04xOFjp11A

އެމަނިކުފާނު ޕީޕީއެމުން ވަކިވެ ވަޑައިގެންނެވީ  ޕާޓީގެ ލީޑަރޝިޕްގެ ބައެއް ބޭފުޅުން އެމަނިކުފާނާ ދުރަށް ޖެހިވަޑައިގެން،ކަންކަމުގައި އެމަނިކުފާނުގެ މަޝްވަރާ ނުހޯއްދަވައި ނިންމެވުންތައް ނިންމަވަމުންދާ ކަމަށް އެމަނިކުފާނަށް ދެކެވޭތީ ކަމަށް އެމަނިކުފާނުގެ ގާނޫނީ ވަކީލު ޑރ. މުހައްމަދު ޖަމީލް އަހުމަދު ވަނީ ވިދާޅުވެފައެވެ.

ޕީޕީއެމުން ވަކިވެވަޑައިގަތުމަށް ފަހު އައުޕާޓީއެއް އުފައްދަވާނެ ކަމަށް އެމަނިކުފާނު ވަނީ ވިދާޅުވެފައިވެއެވެ. އެހެންނަމަވެސް ރައީސް ޔާމީންގެ މި ނިންމުމާއި މެދު ޕީޕީއެމް ގެ ލީޑާޝިޕްގެ ގިނަ ބޭފުޅުން ދަނީ ދެކޮޅުހައްދަވައި ޑރ.މުއިއްޒަށް ތާއީދު ކުރައްވަމުންނެވެ.