ޕާކިސްތާންގެ މޯލެއްގައި އަލިފާނުގެ ހާދިސާއެއް ހިނގައި 10 މީހަކު ނިޔާވެއްޖެއެވެ.
ޕާކިސްތާނުގެ ކަރާޗީގައި ހުންނަ މި މޯލްގައި ހިނގި މިއަލިފާނުގެ ހަދިސާގައި 10 މީހަކު މަރުވެ 22ހަކަށް މީހަކަށް އެކިވަރުގެ އަނިޔާ ވަނީ ލިބިފައެވެ.
އަލްޖަޒީރާގައި ބުނެފައިވަނީ އަލިފާން ރޯވި މޯލް ހުންނަ ޢިމާރާތަކީ ގިނަ ފަންގިފިލާތަކަކަށް ޢިމާރާތް ކުރެވިފައި ހުރި އިމާރާތެކެވެ. ރޯވެ ފައިވަނީ އާރްޖޭ މޯލް ގެ ނަމުން ނަން ދެވިފައިވާ މޯލްއެއް ގައި ކަމަށް އަލްޖަޒީރާގައި ބުނެފައިވެއެވެ. މިހާދިސާ ހިނގި މޯލް ހުންނަ ޢިމާރާތައް ބޮޑެތި ގެއްލުންތަކެއް ވެފައިވާ ކަމަށް އަލްޖަޒީރާގައި ބުނެފައިވެއެވެ.
ޕާކިސްތާނުގެ މީޑިއާ ތަކުން ބުނެފައިވަނީ މިހާދިސާގައި މަރުވި މީހުންގެ އަދަދު މައްޗަށް ދިޔުމަކީ އެކަށީގެންވާ ކަމަށެވެ. އަދި އަނިޔާލިބުނު ގިނަ ބަޔަކަށް ހޮސްޕިޓަލް ތަކުން ފަރުވާދެވިފައިވާ ކަމަށްވެސް ބުނެފައިވެއެވެ.
ހާދިސާ ހިނގިތާ ގިނަ އިރެއް ނުވެ އަލިފާން ނިއްވާ ޓީމުން ވަނީ އެތަނުގައި ހަރަކަތްތެރިވާން ފަށައިފައެވެ. އަދި ރެސްކިޔު ޓީމުން ވަނީ އެތަނުން 50 ހަކަަށް މީހުން ސަލާމަތް ކޮށްގެން ނެރެފައެވެ. ރޯވި އަލިފާންގަނޑު ނިންވާލި ނަމަވެސް އަލިފާންނިއްވާ ޓީމުން ވަނީ އެސަރަހައްދު ބަންދުކޮށް އެތަނުގައި ހަރަކާތްތެރި ވެފައެވެ.
Advertisement
This content is created and paid for by advertisers and does not involve Voice Journalists
